Vyana, 9 yanvar, AZƏRTAC
Misirin tanınmış tətil bölgəsi Hurqadada otellərin birinə baş vermiş terror hücumu nəticəsində üç turist yaralanıb. Avstriya Teleradiosunun (ORF) verdiyi məlumata əsasən, yaralananlardan ikisi avstriyalı turistlərdir. Üçüncü turist isə İsveç vətəndaşıdır.
Qırmızı dəniz sahilində yerləşən „Bella Vista“ otelinə hücum edən terrorçulardan birinin hüquq-mühafizə orqanlarının keçirdiyi əməliyyat nəticəsində öldürüldüyü, digərinin isə yaralandığı bildirilir. Terror aktına görə hələlik heç bir terror təşkilatı məsuliyyəti öz üzərinə götürməyib.
Elgün Niftəliyev
AZƏRTAC-ın xüsusi müxbiri
Vyana
