Aktual mövzular: Dollar alış-satışı , Hava haqqında, Məzənnə, Neftin qiyməti

ABŞ birjalarında 84 ildə görünməmiş geriləmə

ABŞ birjalarında 84 ildə görünməmiş geriləmə

Date: 9 January 2016 09:51

Yeni ilin ilk iş həftəsi ABŞ fond birjaları üçün uğursuz olub.

ANS PRESS-in məlumatına görə, "Dow Jones" və "S&P 500 Index" birjalarının indeksləri həftə ərzində 6% düşüblər ki, bu da son 4 ilin ən pis göstəricisidir. Bundan əvvəl oxşar vəziyyət 1932-ci ildə Böyük böhran zamanı qeydə alınıb.

Ekspertlər birjalarda bu vəziyyətə səbəb kimi bu həftə Çinin qiymətli kağız bazarlarının “uçurumla” üzləşməsini göstərirlər. Bu ölkənin "CSI 300" indeksi ticarət sessiyasının ilk saatlarında 7.2 faiz geriləyərək 3,284.74 vahidə düşüb. "Şanxay Kompozit" indeksi isə 7.3 faiz ucuzlaşaraq, 3.115.89 vahidə enib. Texnologiya və sənaye sektoruna aid "Şenjen Kompozit" indeksi isə nə az nə çox 8.3 faiz geriləyib.

Səhm bazarını kəskin ucuzlaşmadan qorumaq məqsədilə ticarət sessiyası yarımçıq dayandırılıb. Çində yuanın artıq ardıcıl 8 gün ərzində dəyərini itirməsi, investorların əsəblərini tarıma çəkib.

Bu çərçivədə Çinin Xalq Bankı yuanın ABŞ dollarına nisbətdə kursunu 0,51% aşağı salıb. Bununla da 1 dolların kursu 6, 5646 yuan təşkil edib. Bu 2011-ci ilin aprelindən bəri ən aşağı göstəricidir.

Daha əvvəl milyarder Corc Soros dünya iqtisadiyyatının vəziyyətini şərh edərək, hadisələrin iona qlobal böhranın başladığı 2008-ci ili xatırlatdığını bildirib.

Tags:  ABŞ birjalarında 84 ildə görünməmiş geriləmə


RƏYLƏR


Top news