Aktual mövzular: Dollar alış-satışı , Hava haqqında, Məzənnə, Neftin qiyməti

Bakıda mühafizəçi güllələndi - FOTO

Bakıda mühafizəçi güllələndi - FOTO

Date: 9 January 2016 12:33

Bakıda güllələnmə hadisəsi baş verib. 

Milli.Az aznews-a istinadən bildirir ki, hadisə Binəqədi rayonu ərazisindəki tikinti materialları bazarında qeydə alınıb.

Bazarda mühafizəçi işləyən 1985-ci il təvəllüdlü Elmar Canatov güllələnib. Mühafizəçi xeyli qan itirib və iş yoldaşları tərəfindən Akademik Mirqasımov adına Respublika Kliniki Xəstəxanasına çatdırılıb. Xəstəxanadan verilən məlumata görə, Elmar Canatovun vəziyyəti ağırdır, hazırda əməliyyat olunur.

Hadisə yerinə hüquq-mühafizə orqanlarının əməkdaşları, o cümlədən Binəqədi Rayon Polis İdarəsinin rəisi Namiq İsmayılov gəlib. Namiq İsmaylov bildirib ki, hadisə ailə münaqişəsi zəminində baş verib. Elmar Canatovu bacısının həyat yoldaşı güllələyib və hadisə yerindən qaçıb. Artıq şübhəlinin yeri müəyyən edilib və tutulması istiqamətində tədbirlər görülür.

Yeznəsini güllələyən şəxsin 1976-cı il təvəllüdlü Fasadov Mehman Əlican oğlu olduğu müəyyənləşib.

Binəqədi Rayon Polis İdarəsindən verilən məlumata görə, həmin şəxs saxlanılıb. 




Tags:  gullelenme hadisesi bakida gullelenme hadisesi muhafizeci gullelendi

RƏYLƏR


Top news