Aktual mövzular: Dollar alış-satışı , Hava, Məzənnə, Neftin qiyməti

"Bank Respublika" 3 filialını bağlayır

"Bank Respublika" 3 filialını bağlayır

Azərbaycandakı bankların aktivlərin illik dinamikasına görə renkinqi (TOP-10) (15 Fevral 2017 10:57)
Azərbaycandakı bankların xərclər üzrə renkinqi (TOP-10) (14 Fevral 2017 11:27)
Azərbaycandakı bankların qeyri-faiz gəlirlərinə görə renkinqi (TOP-10) (13 Fevral 2017 16:22)

Tarix: 9 Yanvar 2016 14:05

Xidmət şəbəkəsində effektivliyin artırılması məqsədilə 1 fevral 2016-cı il tarixindən etibarən "Bank Respublika" Şəki, İmişli və Göyçay filiallarının fəaliyyətini dayandırır.

Milli.Az bildirir ki, bu barədə Trend bankın saytına istinadən məlumat verir.

Ölkənin maliyyə sistemində yaranmış vəziyyəti, həmçinin qeyd olunan filialların rentabellik və potensial baxımından aşağı səviyyədə olmasını nəzərə alaraq, bank onların bağlanması haqqında qərar verdi.

Bununla yanaşı, Şəki, İmişli və Göyçay filiallarının müştərilər qarşısındakı öhdəlikləri (əmanətlər, kreditlər, plastik kartlar, hesablar və digər bank xidmətləri) aşağıdakı qaydada yerinə yetiriləcək:

İmişli filialı - Şirvan filialı (Ünvan: Şirvan ş, 20 Yanvar küç, 26А / Telefon: (+99421) 215 66 88)

Şəki filialı - Qax filialı (Ünvan: Qax ş., İ.Mustafayev küç, 3 / Telefon: (+994 24) 255 52 20)

Göyçay filialı - Yevlax filialı (Ünvan: Yevlax ş, H.Əliyev pr, 12 / Telefon: (+994 22) 336 23 42, (+994 22) 336 23 47)

Eyni zamanda öz inkişaf strategiyasına sadiq qalaraq, bank müştərilərə xidmət səviyyəsinin daim yaxşılaşdırılmasına, göstərilən xidmət çeşidinin genişləndirilməsi və şərtlərinin optimallaşdırılmasına xüsusi önəm verir və bu istiqamətdə aşağıda sadalanan xidmət növlərini istifadəyə verib:

- Qısa müddətdə istifadəçilərin rəğbətini qazanmış "İnternet Şöbəsi" (www.bankim.az) vasitəsilə geniş çeşiddə bank məhsullarından faydalanmaq imkanı;

- "Cash-in" funksiyalı bankomatlar şəbəkəsi;

- Kredit borclarını bankomat və bankın rəsmi səhifəsində "cari hesaba mədaxil" xidməti vasitəsilə onlayn ödəməyə imkan yaradan xidmət;

- Vəsaitlərin cari hesaba yatırılması əməliyyatlarının MilliÖN və eManat terminalları vasitəsilə həyata keçirilməsi və digər xidmətlər;

- e-Manat terminallarının geniş şəbəkəsi vasitəsilə "Vektor" pulköçürmə sistemi Bakı və bölgələrə sutka ərzində istənilən vaxt pul vəsaitlərini təcili köçürmək imkanı verir.

Müştəriləri düşünərək, onlara daha operativ və əlverişli xidmətin göstərilməsi məqsədilə "Bank Respublika" elektron bankçılıq sahəsində yeni layihələr üzərində çalışmağa davam edir.

Milli.Az


Teqlər:  Bank Respublika filialını bağlayır



RƏYLƏR


Top xəbərlər