Aktual mövzular: Dollar alış-satışı , Hava, Məzənnə, Neftin qiyməti

Mersin Dövlət Opera və Balet Teatrında səhnələşdirilmiş “Koroğlu” operasının premyerası olub

"İl Tabarro" Opera və Balet Teatrında (15 Mart 2017 18:05)
Opera və Balet Teatrında "Arşın mal alan" tamaşası göstəriləcək (09 Mart 2017 20:57)
Mətanət İsgəndərli nəvəsinə görə ağladı - FOTOLENT (27 Fevral 2017 11:29)

Tarix: 9 Yanvar 2016 16:02

Bu barədə “Report”a Azərbaycanın Türkiyədəki səfirliyindən məlumat verilib.
Səfər çərçivəsində F.Bağırov Mersinin qubernatoru Özdəmir Çakacak, Mersin Böyükşəhər Bələdiyyəsinin sədri Burhanettin Kocamaz və Tarsus rayon bələdiyyəsinin sədri Şevket Can ilə ayrı-ayrılıqda görüşlər keçirib.
Azərbaycanın dahi bəstəkarı Üzeyir Hacıbəylinin Koroğlu operasının Mersin Dövlət Opera və Balet Teatrı tərəfindən səhnələşdirilməsinin iftixar doğuran bir hadisə olduğunu qeyd edən Səfir Faiq Bağırov, bunu Azərbaycan-Türkiyə arasındakı qardaşlıq münasibətlərinə daha bir nümunə kimi dəyərləndirib. Səfir Faiq Bağırov “Koroğlu” operasının səhnələşdirilməsi istiqamətində uzunmüddətli hazırlıq işlərinin görüldüyünü və səfirliyin təşəbbüsü nəticəsində Mersin Dövlət Opera və Balet Teatrının 2015-2016-cı illər üçün repertuarına daxil edildiyini diqqətə çatdırıb.
Görüşlər müddətində iki ölkə arasında münasibətlərin inkişafında Tarsus rayonunun xüsusi rolu qeyd olunmuş və 2011-ci ildə həmin rayonda Ümummilli Lider Heydər Əliyevin adına körpünün, 2015-ci ildə isə Ulu Öndərin xatirəsinə tikilmiş parkın və Onun abidəsinin açılış mərasimləri keçirildiyi diqqətə çatdırılıb.
Türkiyə-Azərbaycan qardaşlıq münasibətlərinin inkişafının xalqımızın mənəvi sifarişi olduğunu diqqətə çatdıran Mersin şəhərinin rəhbər şəxsləri, Azərbaycan mədəniyyətinin ayrı-ayrı nümunələrinin, o cümlədən dahi bəstəkar Üzeyir Hacıbəylinin əsərlərinin Türkiyədə tanıdılmasının əhəmiyyətindən bəhs etmişdirlər.

Teqlər:  Mersin Dövlət Opera Balet Teatrında səhnələşdirilmiş Koroğlu operasının premyerası olub



RƏYLƏR


Top xəbərlər