Bakı, 9 yanvar, AZƏRTAC
2015-2016-cı tədris ilində “Sağlam təhsil-sağlam millət” layihəsi çərçivəsində daha 52 “Sağlam təhsil” sinfi yaradılıb.
Təhsil Nazirliyindən AZƏRTAC-a bildiriblər ki, hazırda Bakıda 33, Sumqayıtda bir ümumi təhsil məktəbi olmaqla, ümumilikdə 34 təhsil ocağında 67 “Sağlam təhsil” sinfi fəaliyyət göstərir.
Eyni zamanda, keçən il Azərbaycan Təhsil Şəbəkəsinə (ATŞ) 308 təhsil müəssisəsi qoşulub. Bununla da, ATŞ-ə qoşulan təhsil müəssisələrinin sayı 2 min 51-ə çatıb.