Aktual mövzular: Dollar alış-satışı , Hava, Məzənnə, Neftin qiyməti

Aşağı Güzdək qəsəbəsində 4 tona yaxın mənşəyi məlum olmayan ət aşkarlandı

Aşağı Güzdək qəsəbəsində 4 tona yaxın mənşəyi məlum olmayan ət
aşkarlandı

Bakıda mənşəyi bilinməyən 335 kiloqram ət aşkarlandı (08 Mart 2017 19:08)
Bakıda mənşəyi bilinməyən 335 kiloqram ət aşkar edildi (08 Mart 2017 16:05)
Sabirabad sakininin maşınından 335 kiloqram mənşəyi bilinməyən ət aşkar edilib (08 Mart 2017 13:22)

Tarix: 9 Yanvar 2016 21:58

Bakı. Trend:

Kənd Təsərrüfatı Nazirliyi yanında Dövlət Baytarlıq Nəzarəti Xidməti (DBNX) ölkə ərazisində epizootoloji sabitliyin saxlanması və əhalinin sağlamlığının təhlükəli yoluxucu xəstəliklərdən və qida zəhərlənmələrindən qorunması istiqamətində fəaliyyətini davam etdirir.

Dövlət Xidmətindən Trend-ə verilən məlumata görə, kənd təsərrüfatı naziri Heydər Əsədovun tapşırığına əsasən Dövlət Baytarlıq Nəzarəti Xidməti ardıcıl olaraq bu istiqamətdə reydlərini davam etdirir.

Dövlət Baytarlıq Nəzarəti Xidməti yanvarın 9-da Abşeron rayonunun Aşağı Güzdək qəsəbə sakini, icarədar olan Sərdar Şıxəliyevə məxsus heyvanların kəsimi və qəbulu məntəqəsində reyd keçirmişdir. Reyd Daxili İşlər Nazirliyinin Karantin tədbirlərini təmin edən əlahiddə polis taborunun iştirakı ilə aparılmışdır.

Reyd nəticəsində 4 tona yaxın mənşəyi məlum olmayan, qida üçün keyfiyyəti və yararlığı şübhə doğuran heyvan cəmdəkləri, xeyli miqdarda sümükdən ayrılmış ət, heyvan sümükləri və skilletləri aşkar olunmuşdur.

Mənşəyi məlum olmayan həmin heyvan cəmdəklərindən baytarlıq qanunvericiliyinə uyğun nümunələr götürülərək Respublika Baytarlıq Laboratoriyasına göndərilmişdir.

Laboratoriya müayinələrinin nəticəsindən asılı olaraq qanunvericiliyə uyğun müvafiq qərar qəbul ediləcək və tədbirlər görüləcəkdir.

Kənd Təsərrüfatı Nazirliyi yanında Dövlət Baytarlıq Nəzarəti Xidməti bildirir ki, mənşəyi məlum olmayan, keyfiyyəti şübhə doğuran, insan qidası və sağlamlığı yararsız üçün yararsız və təhlükəli olan heyvandarlıq məhsullarının emalının və satışının qarşısı qətiyyətlə alınacaq və bu işlə məşğul olan vətəndaşlar barəsində ciddi inzibati tədbirlər görüləcəkdir.

Bizi Twitter-dən izləyin: @trend_az


Teqlər:  Aşağı Güzdək qəsəbəsində tona yaxın mənşəyi məlum olmayan ət aşkarlandı



RƏYLƏR


Top xəbərlər