Aktual mövzular: Dollar alış-satışı , Hava, Məzənnə, Neftin qiyməti

Baytarlıq apteklərində keyfiyyətsiz preparatlar aşkar edilib

Baytarlıq apteklərində keyfiyyətsiz preparatlar aşkar edilib

Bakıda mənşəyi bilinməyən 335 kiloqram ət aşkarlandı (08 Mart 2017 19:08)
Bakıda mənşəyi bilinməyən 335 kiloqram ət aşkar edildi (08 Mart 2017 16:05)
Sabirabad sakininin maşınından 335 kiloqram mənşəyi bilinməyən ət aşkar edilib (08 Mart 2017 13:22)

Tarix: 10 Yanvar 2016 01:02

Bakı. 10 yanvar. REPORT.AZ/ Dövlət Baytarlıq Nəzarəti Xidməti (DBNX) heyvan həyatı üçün təhlükəli olan, mənşəyi məlum olmayan, saxta, keyfiyyətsiz baytarlıq preparatlarının istehsalı və satışının qarşısını almaq məqsədi ilə yanvarın 7 və 8-də reyd keçirib.

“Report” DBNX-ya istinadən xəbər verir ki, reyd zamanı Bakı şəhərində iki baytarlıq aptekindən 70 kq-dan yuxarı kustar üsulla hazırlanmış saxta, keyfiyyətsiz helmisit qranulyat antihelmint dərman maddəsi aşkar olunaraq götürülüb.

Həmin dərman preparatlarının yoxlanılması məqsədi ilə müvafiq laboratoriya müayinəsi aparılıb. Analizin nəticələrinə əsasən bu dərmanların saxta, kustar üsulla hazırlandığı və keyfiyyətsiz olması müəyyən edilib.

Həmçinin Yevlax rayonunda da reyd keçirilib. Reyd nəticəsində Xəlilov Səməd Mikayıl oğluna məxsus Yevlax rayonu S.Ruhulla küçəsi, mənzil 37 ünvanında yerləşən baytarlıq dərman preparatları saxlanan anbarından və baytarlıq aptekindən 23 adda 500 kq-a yaxın vaxtı keçmiş, 8 adda 5 kq-a yaxın qanunvericiliklə müəyyən edilmiş qaydada dövlət qeydiyyatından keçməyən, normativ texniki-sənədlərin tələblərinə cavab verməyən, mənşəyinə dair heç bir sənədi olmayan baytarlıq dərman preparatları aşkar edilərək qanunvericiliyə uyğun zərərsizləşdirilmək məqsədi ilə götürülmüşdür. Həmin dərman maddələrindən də nümunələr götürülərək müayinə üçün müvafiq laboratoriya göndərilib.

Kənd Təsərrüfatı Nazirliyi yanında Dövlət Baytarlıq Nəzarəti Xidməti bildirir ki, mənşəyi məlum olmayan, saxta, kustar üsulla hazırlanmış baytarlıq dərman preparatlarının satışının və istehsalının qarşısının alınması üçün reydlər bundan sonra da davam etdiriləcək. Bu kimi işlərlə məşğul olanlar barəsində daha ciddi inzibatı tədbirlər görüləcək.

Teqlər:  Baytarlıq apteklərində keyfiyyətsiz preparatlar aşkar edilib



RƏYLƏR


Top xəbərlər