Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Azərbaycan, Belarus və Ukraynanın opera ustaları eyni səhnədə

Azərbaycan, Belarus və Ukraynanın opera ustaları eyni səhnədə

Date: 10 January 2016 12:31

Yanvarın 16-da Azərbaycan Dövlət Akademik Opera və Balet Teatrında Cakomo Puççininin “Boqema” operası nümayiş olunacaq.

Teatrın mətbuat xidmətindən Axşam.az-a bildirilib ki, tamaşanın özəlliyi onun Azərbaycan, Ukrayna və Belarus opera sənətçilərinin birgə ifasında təqdim edilməsidir. Belə ki, Mimi rolunu Ukrayna Milli Operasının solisti, Ukraynanın xalq artisti Olqa Naqornaya, Marselin partiyasını Belarus Akademik Böyük Opera və Balet Teatrının solisti, Belarusun əməkdar artisti Vladimir Qromov, Rudolfun partiyasını isə digər belaruslu vokalçı Eduard Martınyuk ifa edəcəklər.

Tamaşada, həmçinin Azərbaycanın Xalq Artisti Əli Əsgərov (Alsindor), əməkdar artistlər İnarə Babayeva (Müzetta) və Əkrəm Poladov (Kollen) rol alacaqlar.

Səhnə əsərinin dirijoru Xalq Artisti, professor Cavanşir Cəfərovdur.


Tags:  Azərbaycan Belarus Ukraynanın opera ustaları eyni səhnədə


RƏYLƏR


Top news