İspaniya La Liqasının dünən keçirilən 18-ci turunun "Barselona" - "Qranada" oyununda (4:0) ilginc hadisə yaşanıb.
Qol.az-ın Türkiyənin "Hürriyyət" qəzetinə istinadən yaydığı xəbərə görə, bu olay Kataloniya klubunun ilk qolu zamanı baş verib.
Qol vurularkən ekranda vaxt 07:07 saniyəni göstərib. Messinin vurduğu qolun ötürməsini isə... 7 nömrəli oyunçu Arda Turan verib.
Amma 7 rəqəmi ilə bağlı mistika bununla da bitməyib. Belə ki, bu matçda het-trik edən Messinin 07:07 dəqiqədə vurduğu ilk qol onun bu mövsüm La Liqada rəqib qapılarından keçirdiyi 7-ci qol olub.
Milli.Az 
