Aktual mövzular: Dollar alış-satışı , Hava haqqında, Məzənnə, Neftin qiyməti

Bakıda poçt şöbəsi qarət edilib - Fotolar

Bakıda poçt şöbəsi qarət edilib - Fotolar

Date: 10 January 2016 22:39

Bakının Xətai rayonunda poçt şöbəsi qarət edilib.

Hadisə Əhmədli kəndi, Şahin Səmədov küçəsində qeydə alınıb. Oğrular "Azərpoçt" MMC-nin 3 saylı filialının 32 saylı poçt şöbəsini qarət ediblər. Milli.az bildirir ki, Xətai Rayon Polis İdarəsinin 34-cü Polis Bölməsindən APA-ya verilən məlumata görə, oğrular 32 saylı poçt şöbəsinə binanın yan tərəfindən daxil olublar. Belə ki, pəncərə önündəki dəmir qoruyucuları kəsən oğrular içəri daxil olduqdan sonra 110 manat, 200 dollar və poçt markalarını aparıblar. Eyni zamanda onlar oğurluq əməlini törədən zaman poçtun siqnalizasiya sisteminin kabelini kəsərək sıradan çıxarıblar. 
 
Hadisə yerinə Xətai Rayon Polis İdarəsinin əməkdaşları gəliblər. Ərazi mühafizəyə götürülüb. Daha sonra barmaq izləri müəyyən olunaraq qeyd edilib. Məlumat üçün qeyd edək ki, ərazidə heç bir müşahidə kamerası yoxdur.
 
Faktla bağlı Xətai Rayon Polis İdarəsində cinayət işi açılıb, araşdırmalar davam etdirilir.



Tags:  bakida qaret bakida poct sobesi poct sobesi qaret edilib

RƏYLƏR


Top news