Bakı, 11 yanvar, Nihad Budaqov, AZƏRTAC
Beynəlxalq Enerji Agentliyinin (IEA) rəhbəri Fatih Birol 2015-ci ildə 20 faiz azalan yeni neft sərmayələrinin bu il daha da azalmaqda davan edəcəyini deyib.
AZƏRTAC “dunya.com” istinadla xəbər verir ki, o, 2015-ci ildə neft hasilatına yönələn investisiyaların son 30 ildə ilk dəfə 20 faiz azaldığını bildirib. İnvestisiyaların bu il də azalaraq yenə son 30 ildə ilk dəfə iki il ard-arda geriləyəcəyini vurğulayan F.Birol bunun gələcəkdə neftin qiymətlərinin bahalaşmasına təsir göstərəcəyini qeyd edib.
F.Birol bildirib ki, neftin qiymətinin bahalaşması qaçılmazdır: “Neftin qiymətinin 30 dolarda qalacağını düşünmək səhv olar”.
