Bakı, 11 yanvar, AZƏRTAC
“Türk Hava Yolları” aviaşirkəti yanvarın 15-dən martın 31-dək Naxçıvan-İstanbul-Naxçıvan və Gəncə-İstanbul-Gəncə istiqamətləri üzrə aviabiletlərin qiymətlərində endirim edib.
AZƏRTAC “Türk Hava Yolları”nın saytına istinadla xəbər verir ki, endirimli qiymətlər İstanbulun Atatürk aeroportuna həyata keçirilən uçuşlara tətbiq olunur. Hər iki istiqamət üzrə endirimli aviabiletlərin qiyməti 119 avro təşkil edir. Bu kampaniya ilə həyata keçiriləcək uçuşlar yanvarın 5-dən 24-dək alınan biletlərə şamil edilir.
