Aktual mövzular: Dollar alış-satışı , Hava haqqında, Məzənnə, Neftin qiyməti

Xəstəxanaya raket zərbəsi endirildi

Xəstəxanaya raket zərbəsi endirildi

Date: 11 January 2016 13:20

Yəməndə Sərhədsiz Həkimlər qrupu tərəfindən idarə olunan tibbi klinikaya raket hücumu nəticəsində ən azı 4 nəfərin həlak olduğu bildirilir.

Milli.az Amerikaninsesi-nə istinadən bildirir ki, qrupun açıqladığı bəyanatda deyilir ki, raket hücumu Saada vilayətinin Raze şəhərindəki Şiara xəstəxanasına qarşı həyata keçirilib.

Sərhədsiz Həkimlərin verdiyi məlumata görə, hücum nəticəsində ən azı 10 nəfər yaralanıb. Yaralılar arasında qrupun üzvləri də var. Məlumatda habelə bildirilir ki, dağıntılar altında insanların qaldığına görə ölənlərin sayının artacağı istisna edilmir.

Qrupun direktoru Raquel Ayora bildirib ki, hücumu həyata keçirənlər Şiara Hospitalının tibbi klinika kimi fəaliyyət göstərdiyini biliblər. "Onları bunu bilməməsi mümkün deyil", - deyə o bildirib.

Onun sözlərinə görə, Səudiyyənin başçılıq etdiyi koalisiya da daxil olmaqla müharibə edən bütün tərəflərə vaxtaşırı tibbi klinikanın GPS kordinatları göndərilib.

Bu, son aylarda qrupun məruz qaldığı üçüncü hücumdur.


Tags:  raket hucumu xestexanaya raket atilib

RƏYLƏR


Top news