Aktual mövzular: Dollar alış-satışı , Hava, Məzənnə, Neftin qiyməti

Səyyar “ASAN xidmət” Mingəçevirdə və Salyanda VİDEO

Səyyar “ASAN xidmət” Mingəçevirdə və Salyanda VİDEO

Heydər Əliyev Hava Limanında “ASAN Wi-Fi” xidməti (13 Mart 2017 12:19)
"Azəriqaz" "ASAN Xidmət" vasitəsi ilə 10 min istehlakçıya xidmət edib (10 Mart 2017 10:07)
Səyyar “ASAN xidmət” bir neçə rayonda vətəndaşlara xidmət göstərəcək (07 Mart 2017 10:57)

Tarix: 11 Yanvar 2016 13:23


Bakı, 11 yanvar, AZERTAC
Səyyar “ASAN xidmət” yanvarın 11-dən fevralın 9-dək Mingəçevir şəhərində, yanvarın 11-dən 27-dək isə Salyan rayonunda vətəndaşlara xidmət göstərəcək.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyindən AZƏRTAC-a bildiriblər ki, Salyanda, həmçinin Şirvan rayonunun sakinləri səyyar xidmətdən yararlanacaqlar.
Səyyar şəkildə göstərilən xidmətlər Ədliyyə Nazirliyi, Daxili İşlər Nazirliyi, Dövlət Sosial Müdafiə Fondu və Əmlak Məsələləri Dövlət Komitəsi tərəfindən təqdim olunur.
Bu xidmətlərə notariat fəaliyyəti, vətəndaşlıq vəziyyəti aktlarının dövlət qeydiyyatı, şəxsiyyət vəsiqələrinin verilməsi və dəyişdirilməsi, ümumvətəndaş pasportlarının verilməsi və dəyişdirilməsi, sürücülük vəsiqələrinin dəyişdirilməsi, əmək pensiyalarının təyin edilməsi, mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi, fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi daxildir.
Səyyar “ASAN xidmət”in həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və onların məmnunluğuna nail olunmasıdır.

Teqlər:  Səyyar ASAN xidmət Mingəçevirdə Salyanda VİDEO



RƏYLƏR


Top xəbərlər