Aktual mövzular: Dollar alış-satışı , Hava haqqında, Məzənnə, Neftin qiyməti

Zərərçəkmiş alman qadınların ərizələrinin sayı 500-ü keçib

Zərərçəkmiş alman qadınların ərizələrinin sayı 500-ü keçib

Date: 11 January 2016 14:33


Berlin, 11 yanvar, AZƏRTAC 
Yeni il gecəsində hücum barədə Köln polisinə daxil olan ərizələrin sayı 516-ya çatıb. Bazar ertəsi səhər Köln polisi bildirib ki, zərərçəkmişlərin 40 faizi məhz cinsi əlaqəyə təhrik olunmaları barədə şikayət ediblər.
Diqqət mərkəzində hər şeydən əvvəl Şimali Afrika mənşəli olanlardır. Növbəti təfərrüat yanvarın 11-də Şimali Reyn-Vestfaliya əyalətinin daxili işlər nazirindən gözlənilir. Hazırda müxtəlif məlumatlara, o cümlədən Köln baş dəmiryolu vağzalının ərazisinə məsul olan polisin məlumatına əsasən, güman edilən 32-dək cinayətkardan 20-nin adı istintaqa məlumdur. Onların sırasında AFR-də sığınacaq iddiasında olanlar da var.
Bundan əvvəl KİV-lər məlumat veriblər ki, şəhərdə cinayətkar əməllərə çağırış “şimali afrikalı qruplaşmalar” tərəfindən sosial şəbəkələr vasitəsilə edilib. “Bild am Sonntag” qəzeti təsdiq edir ki, yeni ildən istintaq təcridxanasında bu iş üzrə bir tunisli və iki mərakeşli saxlanılır. Onlar qarət üstündə ittiham edilirlər. Onların cinsi əlaqəyə təhrik etmə ilə bağlılığı da araşdırılır. Bununla yanaşı, yanvarın 9-da 19 yaşlı mərakeşli oğlanda Yeni il gecəsi zərərçəkmişlərdən oğurlanmış mobil telefon aşkar edilib.
Vüqar Seyidov
AZƏRTAC-ın xüsusi müxbiri
Berlin

Tags:  Zərərçəkmiş alman qadınların ərizələrinin sayı 500-ü keçib


RƏYLƏR


Top news