Azərbaycan prezidenti İlham Əliyev xalq şairi Zəlimxan Yaqubla vida mərasiminə qatılıb.
Axşam.az-ın APA-ya istinadən məlumatına görə, dövlət başçısı mərhumun ailə üzvlərinə, yaxınlarına başsağlığı verib.
Qeyd edək ki, “Təzəpir” məscidində keçirilən vida mərasimində dövlət və hökumət nümayəndələri, millət vəkilləri, ziyalılar, mərhumun yaxınları iştirak edir. Zəlimxan Yaqub yanvarın 9-da dünyasını dəyişib. Xalq şairi uzun müddətdir böyrək çatışmazlığından əziyyət çəkib.
Mərhum bu gün Birinci Fəxri Xiyabanda dəfn olunacaq.
