Aktual mövzular: Dollar alış-satışı , Hava haqqında, Məzənnə, Neftin qiyməti

"Ehtiyatda oturmaq istəmədi, getdi" - "Qarabağ" rəsmisi

"Ehtiyatda oturmaq istəmədi, getdi" -   "Qarabağ" rəsmisi

Date: 11 January 2016 17:12

"Qarabağ"ın baş meneceri Asif Əsgərov "Report"a müsahibə verib. Müsahibəni təqdim edirik.

 

- "Qarabağ" 2 ildi Avropa Liqasının qrup mərhələsində çıxış edir. Bu baxımdan hazırda toplanışda olduğunuz Türkiyənin Antalya bölgəsində komandanıza münasibətdə hansısa dəyişiklik hiss edirsiniz?

- Komanda həmişə olduğu oteldə məskunlaşıb. Təbii ki, burada da "Qarabağ"ın son 2 ildəki uğurlarından xəbərdardılar. Üstəlik, bu, bəzi məsələlərdə bizə kömək edir. Burada komandaların sayı az olsa da, yoxlama görüşü keçirmək üçün baş məşqçinin istəyinə uyğun rəqiblər tapmaqda çətinlik çəkmirik.


- Komandanın hazırlığı necə gedir?

- Hazırlıqlar baş məşqçi Qurban Qurbanovun planlarına uyğun olaraq davam etdirilir. 4 yoldaşlıq görüşü keçirəcəyik. Bu oyunlar yanvarın 16-dan etibarən balayacaq. Komandada hər şey qaydasındadı.


- 4 rəqib arasında "Traktorsazi" klubu da olmalı idi, amma alınmadı...

- Əslində, görüş keçirməyi onlar təklif etmişdilər. Səhv etmirəmsə, İranda yerli federasiya da bu işlə məşğul olur. Deyəsən, problem orada yaranmışdı. Biz oyunun keçirilməsi barədə müqavilənin imzalanmasını gözləyirdik, amma müvafiq sənəd gəlmədi. Yəni problem biz tərəfdən yox, onlardan yarandı.


- Raydell Puponla yollarınız niyə ayrıldı?

- Sadəcə, baş məşqçi əməkdaşlığın davam etdirilməsini məqsədəuyğun bilmədi. Pupon intellektual oyunçudu. O da ehtiyatda oturmaq istəmirdi. Karyerasını oynaya biləcəyi komandalarda davam etdirməlidi. Onunla müqavilə müddətinin bitməsinə hələ ilyarım vardı. Futbolçu ilə danışdıq və qarşılıqlı razılıq əsasında yollar ayrıldı.


- Namiq Ələsgərovun "Kəpəz"lə anlaşdığı deyilir. Elə isə "Qarabağ"ın düşərgəsini nə vaxt tərk edəcək?

- Bəli, artıq razılıq olub. Namiq mövsüm sonunadək "Kəpəz"də icarə əsasında forma geyinəcək. 1-2 günə də vətənə qayıdacaq.


- Muarem Muaremin komandaya qayıdışı necə baş tutdu? Müraciət futbolçudan gəldi, ya komandadan?

- Bilirsiniz, futbolda ilk müraciət söhbəti yoxdu. Baş məşqçinin istəyinə uyğun mövqelərdə gücləndirmə işləri aparılır. Cinah oyunçusu mövqeyinə futbolçu lazım idi. Bu səbəbdən Muaremlə danışıb razılaşdıq. 


- Eltun Yaqublu, ardınca da Namiq Ələsgərov... Gənc futbolçuların icarəyə göndərilməsi nə ilə bağlıdı?

- Ümumiyyətlə, bizim əvvəllər də belə strategiyamız olub. Gənc futbolçudu və əsas heyətdə yer tapa bilmirsə, getsin başqa komandada çıxış etsin, oyun təcrübəsi toplasın. İcarə əsasında bir müddət forma geyindikdən sonra daha yaxşı olur.


Fanat.az


Tags:  Ehtiyatda oturmaq istəmədi getdi Qarabağ rəsmisi


RƏYLƏR


Top news