Aktual mövzular: Dollar alış-satışı , Hava haqqında, Məzənnə, Neftin qiyməti

Məzahir Pənahov siyasi partiyaların hesabat probleminə aydınlıq gətirdi

Məzahir Pənahov siyasi partiyaların hesabat probleminə aydınlıq gətirdi

Date: 11 January 2016 17:12

Mərkəzi Seçki Komissiyasının (MSK) sədri Məzahir Pənahov bəzi siyasi partiyaların illik maliyyə hesabatı təqdim etməməsinə münasibət bildirib.

Milli.Az bildirir ki, M.Pənahov Trend-ə: "Bəzi partiyaların hesabat verməsində yaranan problem hesabatların MSK-ya təqdim edilməsinin yeni təcrübə olması ilə bağlıdır", - deyib.

M.Pənahov hesab edir ki, yeni təcrübə olduğuna görə müəyyən qədər problemlərin olmasında elə bir ciddi qusur yoxdur: "Yəqin ki, zamanla hər şey qaydasına düşəcək. Məndə şübhə yoxdur ki, bu problemlər də həll olunacaq və partiyaların hamısı hesabat verəcəklər".

Qeyd edək ki, qanunvericiliyə əsasən, siyasi partiyalar illik maliyyə hesabatlarını auditor rəyi ilə birlikdə hər il aprelin 1-dən gec olmayaraq MSK-ya təqdim etməlidirlər. Mərkəzi Seçki Komissiyası bu müddətdə illik maliyyə hesabatlarını auditor rəyi ilə birlikdə təqdim etməyən siyasi partiyalar barədə Ədliyyə Nazirliyinə məlumat verməlidir. Dövlət qeydiyyatına alınan 55 siyasi partiyadan dördü 2014-cü il üzrə maliyyə hesabatını indiyə qədər MSK-ya təqdim etməyib.

Siyasi partiyalar maliyyə hesabatı MSK-ya 2014-cü ildən təqdim etməyə başlayıblar. Əvvəl isə siyasi partiyalar illik maliyyə hesabatını Maliyyə Nazirliyinə təqdim edirdilər.

Milli.Az


Tags:  Məzahir Pənahov siyasi partiyaların hesabat probleminə aydınlıq gətirdi


RƏYLƏR


Top news