Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Nazirliyin həbsdə olan sabiq aparat rəhbəri ailəsi ilə görüşmək istəmir

Nazirliyin həbsdə olan sabiq aparat rəhbəri ailəsi ilə görüşmək istəmir

Date: 11 January 2016 17:22

Rabitə və Yüksək Texnologiyalar Nazirliyinin həbsdə olan sabiq aparat rəhbəri Vidadi Zeynalov vəkili ilə görüşüb. Milli.Az bildirir ki, bu barədə Trend-ə V.Zeynalovun vəkili Muğan Əliyev məlumat verib.

Onun sözlərinə görə, V.Zeynalovun saxlanma şəraiti və səhhətindən heç bir şikayəti yoxdur.

Müvəkkili ilə vaxtaşırı görüşdüyünü deyən M.Əliyev bildirib ki, istintaq təcridxanasında saxlanıldığı müddət ərzində V.Zeynalov ailəsi ilə görüşməyib. Buna səbəb isə onun ailəsi ilə görüşmək istəməməsidir.

Sabiq aparat rəhbəri vəkili ilə görüş zamanı barəsində yayılan məlumatları da təkzib edib. Bildirib ki, onun mehmanxana biznesi olmayıb, yayılan məlumatlar həqiqəti əks etdirmir.

Qeyd edək ki, Səbail Rayon Məhkəməsinin qərarı ilə V.Zeynalov barəsində 3 ay müddətinə həbs qəti imkan tədbiri seçilib. O, Cinayət Məcəlləsinin 179.3.2 (Mənimsəmə və ya israf etmə; külli miqdarda törədildikdə;) və 308.2-ci (Vəzifə səlahiyyətlərindən sui-istifadə) maddələri ilə ittiham olunur.

Milli.Az


Tags:  Nazirliyin həbsdə olan sabiq aparat rəhbəri ailəsi görüşmək istəmir


RƏYLƏR


Top news