ABŞ Cənubi Koreyada yenidən nüvə silahı yerləşdirmək niyyətində deyil.
APA-nın TASS agentliyinə istinadən verdiyi məlumata görə, bu barədə rəsmi Vaşinqton nümayəndəsi bildirib.
"Koreya yarımadasına nüvə silahının qaytarılması regionda təhlükəli silahlanma yarışına gətirib çıxara bilər", - deyə ABŞ rəsmisi vurğulayıb.
Eyni zamanda o qeyd edib ki, son hadisələrlə əlaqədar Vaşinqton və Seul Cənubi Koreyanın təhlükəsizliyinin möhkəmləndirilməsi yollarını müzakirə edirlər.
Qeyd edək ki, yanvarın 6-da Koreya Xalq Demokratik Respublikası hidrogen bombasını uğurla sınaqdan keçirdiyini bəyan edib.
Xatırladaq ki, ABŞ nüvə silahını Cənubi Koreyadan 1991-ci ildə çıxarıb.
Milli.Az