Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Prezident özəl banklara müraciət etdi

Prezident özəl banklara  müraciət etdi

Date: 12 January 2016 11:32

"Bank sektorunda islahatlar aparılmalıdır. Bank sektorunda konsolidasiya aparılmalıdır. Özəl banklar ölkə iqtisadiyyatının inkişafında daha da fəal iştirak etməlidirlər".

ANS PRESS-in məlumatına görə bunu Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında prezident İlham Əliyev deyib.

Dövlət başçısı qeyd edib ki, özəl banklar daha çox iqtisadiyyatın real sektoruna kreditlər ayırmalıdırlar.

"Dövlət özəl bankları dəstəkləyir. Ümumiyyətlə, Əlbəttə ki, özəl banklar gəlir qazanmalıdırlar. Onlar üçün başqa alətlər bəlkə daha da cəlbedici ola bilər. Ancaq dövlət maraqları hər şeydən üstündür. Ona görə özəl banklara tövsiyə olunmalıdır ki, daha çox iqtisadiyyatın real sektoruna vəsait ayırsınlar. Bu gün də əgər onların kredit portfelinə baxsaq görərik ki, iqtisadiyyatın real sektoruna daha da çox vəsait ayrılır.Ancaq hesab edirəm ki, biz bunu, bu siyasəti daha da gücləndirməliyik."- deyə dövlət başçısı qeyd edib.


Prezident İlham Əliyev

Dövlət başçısı qeyd edib ki, bu gün ölkə qarşısında duran əsas vəzifələr qeyri-neft sektorunun inkişafı, idxalı əvəzləyən, ixrac qabiliyyətli məhsulların istehsalıdır ki, bu məhsullar ixrac edilərək ölkəmizə valyuta gətirir. Çünki valyuta gəlirlərimiz kəskin şəkildə aşağı düşüb. Bu sahədə əlbəttə ki, ilk növbədə kənd təsərrüfatı, emal sənayesi istiqamətinə, tikinti materialları istiqamətinə vəsait ayrılmalıdır ki, biz özümüzü bu məhsullarla daxili istehsal hesabına tam təmin edək.


Nazirlər Kabinetinin iclası


Tags:  nazirler kabinetinin iclasi prezident ilham eliyev ilham eliyev ozel banklar


RƏYLƏR


Top news