Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

"Erməniyə qalib gəlmək istəyirəm"

"Erməniyə qalib gəlmək istəyirəm"

Date: 12 January 2016 12:47

Taekvondo üzrə ikiqat Avropa çempionu və I Avropa Oyunlarının gümüş medalçısı Fəridə Əzizova ən böyük arzusunu dilə gətirib.

Milli.Az publika.az-a istinadən xəbər verir ki, idmançımız Avropa təsnifat turnirində -67 kq-da çıxış edən idmançıların siyahısını sosial şəbəkədə paylaşıb.
 
F.Əzizova tarixdə ilk dəfə erməni qızın turnirdə iştirak etdiyini deyib və ona qalib gəlmək üçün çalışacağını bildirib:
 
"İdmanla məşğul olduğum bütün illər ərzində bir arzum olub. Erməniyə qalib gəlmək. Ümumiyyətlə, taekvondo tarixində ilk dəfədir ki, erməni qız iştirak edir. O da mənim çəkimdə... İnşallah, yaxşı olar".
 
Xatırladaq ki, milli komandamız Türkiyənin İstanbul şəhərində keçirilən təsnifat turnirində 3 idmançı ilə təmsil olunacaq. Bu turnir yığma komandamıza 2016-cı ildə Braziliyanın Rio-de-Janeyro şəhərində keçiriləcək Olimpiya Oyunlarına növbəti 3 lisenziyanı qazanmaq şansı verir.
 
Yarışda baş məşqçi Reza Mehmandost və böyük məşqçi Elnur Amanovun rəhbərlik etdiyi kişilərdən ibarət yığma komandanın üzvü Milad Beigi Hərçəqanı -80 kq çəkidə ölkəmizi təmsil edəcək.
 
Qadın taekvondoçuların baş məşqçisi Sun Mi Park və böyük məşqçi Hyeyoung Choinin yetirmələrindən isə -49 kq cəki dərəcəsində Patimat Abakarova və Fəridə Əzizova (-67 kq) Yay Olimpiya Oyunlarına qatılmaq üçün mübarizə aparacaq.
 
Yanvarın 16-17-də keçiriləcək Avropa təsnifat turnirin finalında qarşılaşan idmançılar "Rio-2016"-ya vəsiqəni təmin etmiş olacaq.

Milli.Az


Tags:  Erməniyə qalib gəlmək istəyirəm

RƏYLƏR


Top news