Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Bakıda işgəncə ilə öldürülən kişi ilə bağlı yeni faktlar

Bakıda işgəncə ilə öldürülən kişi ilə bağlı yeni faktlar

Date: 12 January 2016 12:57

Bakıda işgəncə ilə öldürülən şəxslə bağlı bəzi faktlar məlum olub.

Milli.Az APA-ya istinadən bildirir ki, yanvarın 7-də paytaxtın Nizami rayonu, R.Rüstəmov küçəsi ev 4, mənzil 46 ünvanında qətlə yetirilən Fərid Abbasov 124 saylı Şuşa-Xocalı-Xocavənd-Ağdam Dairə Seçki Komissiyasının sədri Vahid Abbasovun oğludur.
 
V. Abbasov APA-ya açıqlamasında oğlunun qatillərinin hələ tapılmadığını bildirib: "Oğlum bir aydan çox idi, tək yaşayırdı. Ailəsində söz-söhbət olduğu üçün həyat yoldaşı uşaqları da götürüb evdən gedib. Fəridin səhhətində də problemləri var idi. Biz şuşalıyıq. Qarabağ müharibəsində atılan top mərmilərinin səsindən onda psixoloji problemləri yaranmışdı. Dəfələrlə bundan müalicə də alıb. Ona görə də heç yerdə işləmirdi. Paltarını, yeməyini özüm aparırdım. Kimlərlə əlaqələrinin olduğunu bilmirdim".
 
V. Abbasov hadisə ilə bağlı polisə ifadə verdiyini qeyd edib: "Hələlik istintaq gedir. Bildiyimə görə tutulan yoxdur".
 
Qeyd edək ki, yanvarın 7-də Fərid Abbasovun üzərində zorakılıq əlamətləri (döyülmə üçün xarakterik olan) və qolları bağlı vəziyyətdə olan meyidi kirayədə yaşadığı Nizami rayonu R. Rüstəmov küçəsindəki mənzidə tapılıb.

Milli.Az


Tags:  Bakıda işgəncə öldürülən kişi bağlı yeni faktlar


RƏYLƏR


Top news