Aktual mövzular: Dollar alış-satışı , Hava, Məzənnə, Neftin qiyməti

​DİN Cəlilabadda əməliyyat keçirib, 20 kq narkotik vasitə və saxta pul götürülüb

​DİN Cəlilabadda əməliyyat keçirib, 20 kq narkotik vasitə və saxta pul götürülüb

Baş Narkotiklərlə Mübarizə İdarəsinin keçmiş əməliyyatçısı narkotiklə tutuldu (17 Mart 2017 12:53)
Rusiyada saxta araq istehsal edən azərbaycanlı tutuldu (15 Mart 2017 11:27)
Cəlilabad sakini narkotik vasitə ilə tutuldu (12 Mart 2017 17:05)

Tarix: 12 Yanvar 2016 15:32

Bakı. 12 yanvar. REPORT.AZ/ Azərbaycanın daxili işlər orqanlarnın həyata keçirdiyi əməliyyat-axtarış tədbirləri nəticəsində narkotiklərin qanunsuz dövriyyəsi ilə məşğul olan şəxslərdən ümumi çəkisi 125 kiloqramdan artıq müxtəlif növ narkotik vasitələr müsadirə edilib.
Daxili İşlər Nazirliyinin (DİN) mətbuat xidmətindən “Report”a verilən məlumata görə, DİN Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşlarının bugünlərdə həyata keçirdiyi tədbirlər nəticəsində isə ümumi çəkisi 22 kiloqramdan artıq narkotik vasitə və külli miqdarda saxta pul əskinasları müsadirə edilib.
Belə ki, daxil olmuş əməliyyat məlumatı əsasında yanvarın 10-da Cəlilabad rayonunun Seyidbazar kənd sakini, əvvəllər məhkum olunmuş Hacıbala Nərimanov saxlanılıb. Baxış zamanı ondan 20 kiloqram 185 qram tiryək və 2 kiloqram 265 qram marixuana götürülüb.
Araşdırmalarla H.Nərimanovun narkotik vasitəni rayon sakini, əvvəllər məhkum olunmuş Asəf Teymurova verəcəyi müəyyən edilib.
Tədbirlərin davamı olaraq A.Teymurov da tutulub. Ondan isə 492 ədəd saxta 100 manatlıq əskinas götürülüb və həmin əskinasları həmyerlisi Rövşən Abbasovdan alması müəyyən edilib. Görülmüş tədbirlərlə R.Abbasov da saxlanılıb.
Faktla bağlı Cinayət Məcəlləsinin müvafiq maddələri ilə cinayət işi başlanılıb, zəruri istintaq və əməliyyat-axtarış tədbirləri davam etdirilir.

Teqlər:  DİN Cəlilabadda əməliyyat keçirib 20 kq narkotik vasitə saxta pul götürülüb



RƏYLƏR


Top xəbərlər