Aktual mövzular: Dollar alış-satışı , Hava haqqında, Məzənnə, Neftin qiyməti

Bakıdakı ən dadlı səhər yeməyi məkanları - QİYMƏTLƏR

Bakıdakı ən dadlı səhər yeməyi məkanları - QİYMƏTLƏR

Date: 12 January 2016 16:34

 

Uğurlu gün dadlı-ləzzətli səhər yeməyi ilə başlayır. Bu yemək göz oxşayan bir yerdə, dadlı təamlardan ibarətdirsə, xüsusiliyi daha da artır. Bütün həftəni iş yerlərində gərginliklə keçirənlər üçün arxayın səhər yeməyi imkanı yalnız həftə sonu yaranır. Fins.az Bakının restoranlarında hər büdcəyə uyğun səhər yeməyi servis edən restoranlarını araşdırıb. 

1.      “Mado” – 10-16 manat

Məşhur “Mado” şəbəkəsinin restoranlarını şəhərin bir neçə yerində ziyarət edə bilərsiniz.  Bir çox ziyarətçilərin bir dilim tort və bir stəkan çayla saatlarını keçirdiyi bu restoran əslində səhər yeməyi menyusu ilə çox məşhurdur. Səhər yeməyi menyusu ilə məşhur olan bu restoranda iki cür menyu var: 10 manatlıq standart və 16 manatlıq kənd səhər yeməyi.

Kənd səhər yeməyinə ağ pendir, hellim və otlu pendir, bal qaymaq, zeytun, su börəyi, tərəvəzlər, basdırma pomidor və s. daxildir. Menyunun isti yeməyi menemendir. Şəhərin mərkəzində əsl kənd səhər yeməyi yemək istəyirsinizsə, bu məkan sizə uyğundur. Bu menyu iki nəfər üçün də uyğundur, “Mado” müştərilərinin məşhur ənənəsi olan «iki nəfər üçün bir menyu» sifarişini çoxlarınız bəlkə də artıq yoxlamısınız. Əlavə sifariş verəcəyiniz şey bir nəfərlik çay olacaq.

Standart səhər yeməyinə isə öncəkindən çeşidin azlığı ilə fərqlənir. Bu menyuya ağ pendir, kaşar pendir, çiyələk mürəbbəsi, bal və s. daxildir. Bu menyunun isti yeməyi isə qızardılmış sucuk və menemendir. Sucuk türkiyədən gətirilir və gözlədiyiniz kimi bol ədvalı və acılıdır. Restoranda günün istənilən saatı səhər yeməyi yeyə bilərsiniz. Bayram günləri də həftə sonları da fasiləsiz işləyən restoranı həm Nərimanov metrosu yaxınlığında, həm Rus Dram teatrının yanında. Həm də Bakı şəhərinin axşam gəzintisi üçün məşhur məkan olar Nizami küçəsində tapa bilərsiniz. 

2.      “Cafe City” – 8 manat

“Cafe City” restoranında 3 növ səhər yeməyi dada bilərsiniz: azərbaycansayağı, türksayağı və avropasayağı. Hər birinin qiyməti 8 manatdır.

Azərbaycansayağı səhər yeməyinə bal, pendir, yağ, çay, qəhvə pomidor yumurta və ya kükü aiddir.

Türksayağı menyuya yağda marinad olunmuş yaşıl zeytun, qara zeytun, tərəvəzlər, kərə yağı, pendir sucuklu yumurta və ya qayğanaq.

Avropasayağı menyuda isə avropa mətbəxinin fərqliliklərini görə bilərsiniz, milli mətbəxtə çətin rast gələ biləcəyiniz lobyanı belə burda tapa bilərsiniz.

Burada göbələk, sosiska, pomidor yumurta və s. də dada bilərsiniz. Bu restoranı şəhərin 5 ayrı hissəsində tapa bilərsiniz. Sizə ən yaxın ünvana gedib 9:00-dan 12:00-a qədər səhər yeməyinizi yeyə bilərsiniz. İş günləri mümkün deyilsə, bayram günlərində də eyni qayda ilə gedə bilərsiniz. 

3.    «Künefe Evi» – 10-15 manat

Bakının məşhur bölgələrindən biri olan “Tarqovı”da yerləşən “Künefe Evi” 3 çeşid səhər yeməyi təklif edir. «Diyar kənd» səhər süfrəsi, «klassik» səhər süfrəsi və «tavada» səhər yeməkləri. «Diyar kənd» səhər yeməyi süfrəsinin qiyməti 15 manatdır və menyuya 4 çeşid pendir, bal, qaymaq, kərə yağı, mürəbbə, zeytun növləri, simit, tərəvəzlər, və su börəyi çay və s. daxildir. Bu menyu birnəfərlik olsa da, əslində 2 nəfəri artıqlamasıyla doyura bilər.

Klassik səhər süfrəsi 10 manatdır, menyuya iki növ pendir, kərə yağı, bal mürəbbə, su börəyi və s. daxildir. Tavada səhər yeməyi isə konkret qiymətlərlə təqdim olunan isti yeməklərdir. Buarya daxildir, tavada yumurta qovurma 8 manat, sucuklu yumurta 6 manat, pomidor yumurta 5 manat, adi yumurta 3 manat.

Ən əsası, «Künefe Evi»ndə çay limiti yoxdur, sadəcə stəkanı götürüb istədiyin qəər içə bilərsən.

4.      “Qazmaq” restoranı – 10-12 manat

“Qazmaq” restoranı iki cür menyuya sahib bu restoranda dadlı təamlarla yanaşı gülərüz personal da diqqətinizi cəlb edəcək. Azərbaycan mətbəxinin təqdim etdiyi menyuda yağ, pendir, bal, səhər yeməyi üçün məşhur olan isti yemək pomidor yumurta və pendir dürümü yeyə biləsiniz. Bu menyunun qiyməti 10 manatdır.

Rus menyusunu dadmaq istəsəniz biraz artıq pul verməli olacaqsınız. Qiyməti 12 manat bu menyuda oladiyalar, blinlər, ikra, «qlazok» yumurta daxildir. İçərişəhər, Kiçik Qalada yerləşən restoranda qədim məkanda ürəyinizcə olan səhər yeməyi yeyə bilərsiniz. 

5.      “Anadolu” restoranı – qarışıq menyu

“Anadolu” bir çoxlarının biznes lanç yemək üçün üz tutduğu məkandır, lakin qeyd etmək lazımdır ki, türk ustalarının əlindən çıxan isti qəlyanaltılarla yanaşı, burada dadlı səhər yeməyi də yeyə bilərsiniz. Burada xüsusi menyu yoxdur, səhər yeməyi üçün ümumi masa olan bufet görəcəksiniz. Manna sıyıq, düyü, omlet, meyvə suyu, yumurta, tərəvəzlər, zeytun v s. dada bilərsiniz. Həftə içi 11:00-a qədər səhər yeməyi servisi verən restoranda bayram günləri 12:00-a qədər səhər yeməyi yeyə bilərsiniz. Qeyd edək ki, restoran Puşkin küçəsində yerləşir. 

6.      “Merci Baku”  - 8 manat

Bir çoxlarınız “Merci Baku”nu Bakının “qlamur məkanı” kimi tanıyırsınız. Ziyarət edən etməyən hər kəs bu restoranı bahalı məkan kimi tanısa da, təsəvvürünüzdəki qlamur məkanlardan çox ekonomik qiymətlərlə xidmət göstərirlər. Azərbaycan mətbəxinin təqdim etdiyi səhər yeməyi yeyə biləcəyiniz restoranda bir nəfərlik menyu üçün 8 manat xərcini çıxacaq. Menyuda yumurta, pomidor, çay və s. təamları dada bilərsiniz.

Fransız mətbəxində sizə yağ, pendir, qayğanaq, çay təqdim olunacaq. Bu menyu üçün də eyni məbləğ xərcləyəcəksiniz. Günün, ayın və ilin istənilən vaxtı 12:00-a qədər Asəf Zeynallı küçəsində yerləşən məkanda səhər yeməyi yeyə bilərsiniz. 

7.      “Mugam club”  - 30 manat

«Səhər səhər muğam olar?»-deyə soruşa bilərsiniz. Amma əgər söhbət səhər yeməyindən gedirsə, cavab «Bəli»dir. İçərişəhərdə yerləşən  “Mugam club” qədim saray abu havası ilə sizə əsl klassika yaşadacaq. Qədim təam kükünü ən yaxşı bişirən məkanlardan biri də buradır. Bununla yanaşı, yağ, şor, qaymaq, xama, tərəvəzlər, çay, mürəbbələr, bal və çoxlarınızın seçim səbəbi olan təndir çörəyini burda dada bilərsiniz. Bu təamlar xüsusi bir menyuda birləşdirilməyib. Öz seçimizdən asılı olaraq 30 manat ətrafında xərcləyərək doyumlu səhər yeməyi yeyə bilərsiniz. 

8.      “Quzu təndir & Kabab” – 6-12 manat

Çoxları “Quzu təndir & Kabab”ı sosial şəbəkələrdən tanıyıb və bunapeşman olmayıb. Səbəbi restoranın təkcə dizaynı və ya xidməti deyil, mövsümü gəldisə bir çoxlarının zövqlə yediyi xaşdır. Bəli, bu restoranda səhət 5:00-dan etibarən cəmi 12 manata heç yerdə yeməyəcəyiniz xaş yeyə bilərsiniz. Təbii ki, yanında olmazsa, olmazları turşu və digər əlavələri ilə birlikdə. Bu menyu «Xaş set» adlanır. Adi «Xaş» isə bir kasadan ibarətdir. Ona görə də dadlı variant üçün «Xaş set»i sınamaq məsləhətdir. Amma onun yanındakı turşular lap 3 nəfərə də bəs edər, ona görə də cəmi 1 «Xaş set» sifariş verib, qalan hissəni adi xaşla tamamlamaq kifayətdir. Restoran əməkdaşları sərfəli variantı özləri sizə məsləhət görəcəklər. Elə günü sabah da Şərfizadə küçəsində bu restoranı tapa bilərsiniz. 

9.   “Sehrli Təndir” –  Qarışıq menyudur

“Sehrli Təndir” restoranında xüsusi menyu olmasa da ayrı-ayrılıqda qiymətlərlə səhər yeməyində yeyəcəyiniz təamları dada bilərsiniz. Yağ, şor, nehrə yağı, kəsmik 3 manat, bal, qaymaq, qayğanaq, sosislər 3 manatadır. İçərişəhərdə yerləşən qədim restoran bayram günlərində də fəaliyyət göstərir. 

 

10.   “Özsüt”  - 12 manat

“Özsüt” bir müddətdir sosial şəbəkələrdə öz adından bəhs etdirən bu restoran Bakıdakı türk restoranlarının daha az müştəri olan, daha rahat variantıdır. Burada iki cür səhər yeməyi dada bilərsiniz. Standart səhər yeməyi və “Özsüt Egey” səhər yeməyi. Standart səhər yeməyi 8 manatdır və tut və moruq mürəbbəsi, bal, qaymaq, qara və yaşıl zeytun, tərəvəzlər, motal pendiri, ağ pendir, dana ətindən kolbasa, qaynanmış yumurta, çay və çörək servis edilir.

“Özsüt Egey” səhər yeməyi isə 12 manatdır, iki nəfərlik menyu götürsəniz endirimlə 22 manat ödəyəcəksiniz.Menyuya Türkiyənin məşhur ezine pendiri, konservləşdirilmiş motal pendir, iki cür zeytun yağı, yaşıl zeytun, sele zeytunu, tərəvəzlər, şam ağacı balı, qayğanaq, dana ətindən kolbasa, qaratut mürəbbəli kəsmik, qarışıq çörək səbəti və çay daxildir. Restoran çox rahat məkanda “Gənclik metrosu”nun yaxınlığında yerləşir. 

11.    “Bridge” – 10 manat

 “Bridge” restoranı çoxlarımıza məlum “Bridge Plaza”da yerləşir. 10 manatlıq səhər yeməyi menyusuna omlet, pomidor yumurta  və bekon daxildir. 

12.    “Marriott Abşeron Baku” – 27 manat

 

“Marriott Abşeron Baku”da səhər yeməyini dadmaq üçün qiymətlərlə əvvəlcədən tanış olmaq lazımdır. Burada bütün qidaların təqdim olunduğu ümumi masa xidmət göstərir. Adambaşına menyu 27 manatdır. Meyvə suları, çay, kofe, yumurta, qaymaq, bal, meyvələr, yoqurtlar və başqa fərqli çeşidli təamları dada bilərsiniz. Həftə içi səhər 6:00-10:30-a qədər səhər yeməyi xidməti göstərilir, həftə sonları və bayram günləri isə 11:00-a qədər səhər yeməyi yeyə bilərsiniz. 

13.    “Zeytun” – 15 manat

“Zeytun”  restoranı “Park Bulvarın” ən bilinən, lakin çoxlarının ziyarət etmədiyi məkanlardan biridir. Müştərilərinin də xüsusi təbəqə olmasının səbəbi də yeməklərinin qiymətidir. Daha çox biznes mühiti adamlarının ziyarət etdikləri bu restoranda səhər yeməyi menyusu 15 manatdır. Yağ, çoxçeşidli pendir, zeytun, tərəvəzlər, «qlazok», meyvə suyu və s. daxildir. Restoranın özəlliklərindən biri də Xəzərə mənzərəsi olan terrasının olmasıdır. 

14.    “Four Seasons” – 35 manat
 

“Four Seasons” -  qlamur məkan, bahalı hotel və yüksək xidmət. İşləri korlayan bircə qiymətir: “Four Seasons”da səhər yeməyi sevdasına düşmüsünüzsə, bir adam üçün 35 manat xərcləməlisiniz. Səhər yeməyi isə xüsusi menyu yox, ümumi masa və axtardığınız hər şeyi tapa biləcəyiniz çoxçeşidli yeməklərlə zəngindir. Meyvələrdən tutmuş, standart səhər yeməklərində olan bütün təamlar, meyvə şirələri, hətta dietik səhər yeməyi də burda təqdim olunur. Həftə içi 11:00-a qədər səhər yeməyi yeyə biləcəyiniz hoteldə, həftə sonları həm milli, həm də Avropa mətbəxindən çoxçeşidli isti yeməkləri də dada bilərsiniz, çünki həftə sonları səhər yeməyi uzadılmış branç olur. Bu zaman menyuya balıq ləvəngisi, toyuq ləvəngisi, hinduşqa, qrill, pizza və şirniyyatlar daxil edilir. 

15.    “Filantro” – 18-27,5 manat

“Filantro ” restoranı “Hilton” hotelinin birinci mərtəbəsində 6:00-10:30-aqədər, bazargünü isə 13:00-aqədərsizə səhəryeməyixidmətigöstərir. Burada da açıq bufetdir, ümumi masada istədiyiniz bir çox neməti dada biləcəksiniz. Milli və dünya mətbəxindən 6 cür isti yemək, kolbasalar, omlet, assortilər daxil olan yemək üçün həftə içi 27,50 manat ödəməlisiniz. Amma sizə bir məsləhət – bu restoranda eyni menyunu həftəsonu cəmi 18 manata ala bilərsiniz. Ona görə də özünüzü həftəsonuna saxlayın. 

16.    “İtalian Bistro” – 19-29 manat

 

“Flame Tower” “İtalian Bistro”, yanvarın 2-dən etibarən səhər yeməyini 19-cü mərtəbədə yeyə biləcəyiniz bu restoranda iki cür menyu var. Kontinental səhər yeməyi 19 manat, “Full menyu” 29 manat. Kontinental meyuda sendviçlər və standart səhər yeməyi menyusu daxildir. “Full menyu”ya isə həm də isti yeməklər daxildir. Səhər yeməyi xidməti 11:00-a qədər fəaliyyət göstərir.


Tags:  Bakıdakı dadlı səhər yeməyi məkanları QİYMƏTLƏR

RƏYLƏR


Top news