Bakı, 12 yanvar, AZƏRTAC
Vaxtilə futbolçu və məşqçi kimi “Kəpəz”də çıxış etmiş Vidadi Rzayev doğma klubuna dönüb.
AZƏRTAC xəbər verir ki, mütəxəssis klubun 19 yaşadək futbolçulardan ibarət komandanın baş məşqçisi təyin edilib. O, bu postda Fuad İsmayılovu əvəz edib. Bununla belə, F.İsmayılov da komandanı tərk etməyib. Sonuncu V.Rzayevin köməkçisi təyin edilib.
U-19 komandasında köməkçi məşqçi işləmiş Tofiq Məmmədov isə U-16-nın baş məşqçisi olub.