Ermənistanda danışılmış oyunların iştirakçıları həbs edilib

Ermənistanda danışılmış oyunların iştirakçıları həbs edilib
18:34 12 Yanvar 2016
24 İdman
Ölkə mətbuatı
A- A+

Ermənistan futbolunda danışılmış oyunlar qeydə alınıb. Apasport.az-ın news.am saytına istinadən verdiyi məlumata görə, “Uliss” və “Uliss-2” komandalarının üzvləri bukmeyker kontoru ilə danışıqlar apararaq, matçların nəticəsini əvvəlcədən razılaşdırıblar.

 

Belə ki, ötən ilin noyabrında “Uliss”in baş məşqçisi Qaqik Simonyan, futbolçusu Ayk Unanyan, həmçinin “Uliss-2” komandasının administratoru Ara Azaryan və baş məşqçi Ruben Aruşanyanın köməkçisinin razılığı ilə “Toto” bukmeyker kontoruna 1000-3000 dollar həcmində pul qoyuluşu edilib.

 

Matçların nəticəsi əvvəlcədən danışıldığından, qeyri-qanuni gəlir əldə olunub. Fırıldaqçılar pulu özləri və bir neçə futbolçu arasında bölüblər.

 

Artıq hadisə ilə bağlı cinayət işi açılıb.

 

Baş məşqçi Qaqik Simonyan və administrator Ara Azaryan həbs edilib. Onlardan fərqli, Ruben Aruşaryan və Ayk Unanyan isə saxlanılıb.


Xəbərin orijinal ünvanı: http://news.lent.az/news/228420

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR