Bakı, 12 yanvar, AZƏRTAC
Avstraliyanın Melbrun şəhərində şahmat üzrə açıq ölkə çempionatı başa çatıb.
Azərbaycan Şahmat Federasiyasından AZƏRTAC-a bildiriblər ki, ölkəmizi təmsil edən beynəlxalq usta Kənan İzzət 11 oyundan 8.5 xal toplayaraq yarışın qalibi adını qazanıb.
Yerli şahmatçılar Bobbi Çen 8 xalla ikinci, Karl Zelesko isə 7,5 xal toplayaraq üçüncü yerin sahibi olublar.
Qeyd edək ki, yarış İsveçrə sistemi üzrə 11 turdan ibarət keçirilib və 34 şahmatçı qələbə uğurunda mübarizə aparıb.
