Aktual mövzular: Dollar alış-satışı , Hava, Məzənnə, Neftin qiyməti

Ədalət Muradov: Azərbaycanda qeyri-neft sektorunun inkişafını stimullaşdırmaq üçün daha liberal şərait yaratmaq lazımdır

Ədalət Muradov: Azərbaycanda qeyri-neft sektorunun inkişafını stimullaşdırmaq üçün daha liberal şərait yaratmaq lazımdır

Fazil Məmmədov: "Azərbaycanın beynəlxalq reytinqi daha da yüksəlib" (28 Fevral 2017 20:32)
Dövlət başçısı qeyri-neft sektorunun inkişafından danışdı (27 Fevral 2017 19:24)
Azərbaycanda bu il büdcə kəsirinin 8,4%-ə yüksələcəyi gözlənilir (25 Fevral 2017 09:57)

Tarix: 13 Yanvar 2016 07:08

Bakı. İlhamə İsabalayeva - Trend:

Azərbaycanda qeyri-neft sektorunun inkişafını stimullaşdırmaq və bunun üçün bu sektora daha çox sərbəstlik vermək, onlar üçün daha liberal şərait yaratmaq lazımdır. Bunu Trend-ə Azərbaycan Dövlət İqtisad Universitetinin rektoru, professor Ədalət Muradov deyib.

Rektorun sözlərinə görə, iqtisadi inkişafın müxtəlif mərhələlərində müxtəlif tədbirlər həyata keçirilir ki, bunlardan biri də devalvasiyadır: “Şübhəsiz ki, ilkin mərhələdə müəyyən hallar olacaq. Amma onların hamısı qarşısı alına biləcək neqativlərdir. Düşünürəm ki, bu mənfi təsiri minimuma endirmək üçün hökumətin əlində kifayət qədər alətlər var”.

Ə.Muradov deyib ki, əvvəlki dövrlərdə yaradılmış qeyri-neft sektorları Azərbaycandakı mənfi təsirləri qısa müddət ərzində neytrallaşdırmağa imkan verir: “Devalvasiya iqtisadiyyatda baş verən proseslərə bir reaksiyadır. Artıq o reaksiya verilib, indi isə iqtisadiyyatın özünün devalvasiyaya reaksiyası olacaq. Düşünürəm ki, bütövlükdə Azərbaycanın gələcək inkişafı baxımından devalvasiya qaçılmaz bir tədbir idi. Son nəticədə Azərbaycan makroiqtisadi tarazlığın bərpa olunması, yerli istehsalın stimullaşdırılması, qeyri-neft sektorunun idxal malları ilə rəqabətinin artırılması baxımından müsbət təsir göstərəcək”.

Bizi Twitter-dən izləyin: @trend_az


Teqlər:  Ədalət Muradov Azərbaycanda qeyri-neft sektorunun inkişafını stimullaşdırmaq liberal şərait yaratmaq lazımdır



RƏYLƏR


Top xəbərlər