Aktual mövzular: Dollar alış-satışı , Hava haqqında, Məzənnə, Neftin qiyməti

Bu gün köhnə Yeni ildir

Bu gün köhnə Yeni ildir

Date: 13 January 2016 07:11

Bu gün köhnə təqvimlə yeni il girir. ANS PRESS-in məlumatına görə, yanvarın 13-də Yeni ilin qeyd olunması Rusiyada xristianlığın qəbulundan sonra baş verib. Bu tarixi pravoslav kilsəsi İsa peyğəmbərin doğum günü ilə əlaqədar tərtib etdiyi təqvim əsasında müəyyənləşdirib.

XVIII əsrdə Rusiya imperatoru Birinci Pyotr provaslav kilsəsinin tərtib etdiyi təqvimi ləğv edərək yeni ilin bütün dünyada olduğu kimi ölkəsində də yanvarın 1-dən başlamasına göstəriş verib.

Katoliklər isə yeni ili e.ə 45-ci ildə roma imperatoru Yuli Sezarın tərtib etdiyi təqvim əsasında indiyə qədər yanvarın 1-i qeyd edir.

Köhnə Yeni ilin bayram rəmzlərinə gəldikdə isə bunun təzə yeni ildən heç bir fərqi yoxdur. Yalnız keçmişdə qeyd olunan köhnə Yeni ildə insanlar qurbanlar verirmiş. Tarixi mənbələrə görə, Yeni il qarşılayanlar Saturun adlı qocaya yetgin qızları qurban verirmiş. Onlar qızları şam ağacına bağlayaraq donaraq ölmələrinə səbəb olurlarmış. Sonralar insanlar qızların əvəzinə heyvan qurbanları veriblər.

Şaxta babanın insanlara hədiyyə verməsi ənənəsinin yayılması isə eramızın VII əsrinə təsadüf edir. Bu bizanslı din xadimi Miklus tərəfindən yayılıb. Tarixdə baş verən dəyişikliyə baxmayaraq köhnə yeni il hazırda da keçirilir.

Azərbaycanda isə əhali arasında köhnə Yeni il bayramı haqqında məlumat olsa da bu günü qeyd etmirlər.

Qeyd edək ki, Rusiya ilə yanaşı köhnə yeni il Ukrayna, Belarus, Serbiyada, Çernoqoriya və İsveçrədə keçirilir.

Tags:  gün köhnə Yeni ildir


RƏYLƏR


Top news