Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Qaz sızması nəticəsində 7 nəfərin zəhərlənməsi ilə bağlı cinayət işi açılıb

Qaz sızması nəticəsində 7 nəfərin zəhərlənməsi ilə bağlı cinayət işi açılıb

Date: 13 January 2016 12:08


Bakı, 13 yanvar, AZƏRTAC
Dekabrın 28-də saat 20 radələrində paytaxtın Ziya Bünyadov prospektində yerləşən “Bakı Tikinti Konstruksiyaları” ASC-nin həyətində fiziki şəxs Elçin Rəhimov tərəfindən icarəyə götürülmüş metal qəbulu məntəqəsinin ərazisində metal tullantısı kimi qəbul edilmiş dəmir balondan qaz sızması nəticəsində yaxınlıqdakı taxta sexində fəhlə işləyən Rzaağa Heydərov, Yaşar Xancanov, Yusif Kərimov, Rövşən Əbdülhəmidov, Xaqani Nurəliyev, Pərviz Əbdülhəmidov və Cabbar Əliyevin zəhərlənərək xəstəxanaya yerləşdirilmələri barədə hüquq mühafizə orqanlarına daxil olmuş məlumat əsasında Nərimanov Rayon Prokurorluğunun, rayon polis idarəsinin və Fövqəladə Hallar Nazirliyinin əməkdaşlarının iştirakı ilə hadisə yerinə baxış keçirilib, müvafiq ekspertizalar təyin edilib, digər zəruri tədbirlər yerinə yetirilib.
Bakı Şəhər Prokurorluğunun AZƏRTAC-a daxil olan məlumatında bildirilir ki, zərərçəkmiş şəxslərə xəstəxanada lazımi tibbi yardım göstərildikdən sonra onlar evə buraxılıblar.
Fakta görə Nərimanov Rayon Prokurorluğunda Cinayət Məcəlləsinin 314.1-ci (səhlənkarlıq) maddəsi ilə cinayət işi başlanıb.
Hazırda iş üzrə istintaq tədbirləri davam etdirilir.
 


Tags:  Qaz sızması nəticəsində nəfərin zəhərlənməsi bağlı cinayət işi açılıb


RƏYLƏR


Top news