Aktual mövzular: Dollar alış-satışı , Hava, Məzənnə, Neftin qiyməti

Hərbi xidmətə yeni çağırılan gənclərin hərbi hissələrə qəbulu davam edir

Kim Çen In ABŞ-ı hədələdi - Hərbi bazaları bombalanacaq (25 Mart 2017 13:58)
Zakir Həsənov ÖN CƏBHƏDƏ (24 Mart 2017 14:12)
Estoniya və ABŞ birgə hərbi təlimə başlayıb (21 Mart 2017 11:12)

Tarix: 13 Yanvar 2016 12:23

Bakı. Trend:

Azərbaycan Prezidenti, Silahlı Qüvvələrin Ali Baş Komandanı İlham Əliyevin müvafiq Sərəncamına əsasən ölkə vətəndaşlarının hərbi xidmətə çağırışı davam edir.

Müdafiə Nazirliyinin Mətbuat xidmətindən Trend-ə verilən məlumata görə, Müdafiə naziri general-polkovnik Zakir Həsənovun tapşırığına əsasən yuxarı qərargahlar tərəfindən yaradılan yoxlama qrupları hərbi hissələrdəki vəziyyəti öyrənir, gənc əsgərlərin qəbulu, yerləşdirilməsi, eləcə də xidmətə və kollektivə uyğunlaşması prosesinə nəzarət edirlər.

İqlim şəraiti və digər vacib amillər nəzərə alınmaqla əsgərlərin sağlamlığı məsələsinə xüsusi diqqət yetirilir, onlar təkrar tibbi müayinədən keçirilirlər.

Gənc əsgərlərin qida, geyim, əşya, əmlakla təminatına və digər sosial-məişət şəraitinə ciddi diqqət yetirilir. Yenicə hərbi hissəyə daxil olan şəxsi heyət birinci dərəcə geyim, əşya-əmlakla təmin edilərək müasir tələblərə cavab verən əsgər yataqxanalarında yerləşdirilir.

Şəxsi heyətin yüksək mənəvi-psixoloji hazırlığının, psixoloji dayanıqlığının saxlanılması və təmin edilməsi məqsədilə "Silahlı Qüvvələrdə psixoloji işin təşkili və aparılması haqqında Təlimat"ın tələblərinə uyğun olaraq hər bir gənc əsgərlə fərdi söhbət aparılır və psixoloji testlər keçirilir.

Eyni zamanda, gənc əsgərlər hərbi hissələrin yaradılması tarixi, keçdiyi döyüş yolu, onun ərazisi ilə tanış olur, xidmətin xüsusiyyətləri, bölmələrin yerləşdirilməsi, daxili nizam-intizam qaydaları, şəxsi heyətin məişət şəraiti, gündəlik fəaliyyəti və asudə vaxtın təşkili barədə məlumat əldə edirlər.

Bizi Twitter-dən izləyin: @trend_az


Teqlər:  Hərbi xidmətə yeni çağırılan gənclərin hərbi hissələrə qəbulu davam edir



RƏYLƏR


Top xəbərlər