Aktual mövzular: Dollar alış-satışı , Hava haqqında, Məzənnə, Neftin qiyməti

Kirayə faciəsi: 12 yaşlı qızı polis öldürdü - VİDEO - FOTO

Kirayə faciəsi: 12 yaşlı qızı polis öldürdü - VİDEO - FOTO

Date: 13 January 2016 12:52

ABŞ-da polis zabiti 12 yaşlı qızı güllələyib. Hadisə Pensilvaniya ştatındakı Dankannon şəhərində baş verib.

Milli.Az ABC News-a istinadən bildirir ki, 57 yaşlı Donald Meyerin ailəsinin yaşadığı evdən çıxarılması barədə qərar vardı. Səbəb isə Meyerin kirayədə qaldığı evin sahibinin şikayəti idi.

Ev sahibi iki aydan bəri Meyerlər ailəsindən kirayə pulunu ala bilmədiyini deyərək ötən ilin noyabrın 30-da polisə şikayətlənmişdi.

Ödənişlər gecikdirildiyi üçün məhkəmə Meyerlər ailəsinin evdən çıxarılmasına qərar verib.
Donald Meyer evdən çıxmaq istəməyib.
"İşsizəm. Amma söz verirəm ki, mütləq iş tapacağam və borclarımın hamısını ödəyəcəyəm! Yalvarıram, mənə vaxt verin!" - Meyer qışqırsa da, polislər ona qulaq asmayıblar və ailədən evi dərhal tərk etməsini istəyiblər.
Olay yerli vaxtla səhər saat 10 radələrində yaşanıb.
Affekt vəziyyətində olan Donald Meyer pompalı ov tüfəngini götürərək evini müdafiə etmək istəyib.
Polislər atəş açıblar. Polis konstebli Klark Stil tapançadan Donald Meyerə atəş açıb, amma güllə onun qolundan keçib və atasının arxasında dayanmış 12 yaşlı Siara Meyerə dəyib.
Siara aldığı yaradan hadisə yerində keçinib.
Donald Meyerin banka 1780,85 dollar borcu vardı.
Pennlive.com bildirir ki, Meyerin aylıq ödənişlərinin məbləği 660 dollar olub.
Ötən ilin dekabrın 28-də Meyerlər ailəsinin kirayə qaldıqları evdən çıxarılması barədə məhkəmə hökm qəbul edib.
Meyerlərin qonşuları ABC 27 reportyoruna deyiblər: "Siara çox şən, gülərüz, səmimi uşaqdı. Kirayə pulunun gecikdirilməsinə görə onun həlak olması faciədir. Belə olmamalıydı. Ümumiyyətlə, belə olmamalıdır!"

Donald Meyer "Hershey Medical Center"ə aparılıb. O, reanimasiya bölməsindədir.
Polisdən verilən məlumata görə, Donald Meyer polisə hücum etmək və qəsd cəhdində suçlanır.
Polis konstebli Klark Stillə bağlı xidməti araşdırma başlanıb. Araşdırma başa çatanədək o, vəzifə səlahiyyətlərinin icrasından kənarlaşdırılıb.
Stillin ailə üzvlərinin dediklərinə görə, Klark depressiyaya qapılıb.
 

Milli.Az








Tags:  Kirayə faciəsi 12 yaşlı qızı polis öldürdü VİDEO FOTO


RƏYLƏR


Top news