Aktual mövzular: Dollar alış-satışı , Hava haqqında, Məzənnə, Neftin qiyməti

Cəsədi tapılan neftçinin qardaşı danışdı

Cəsədi tapılan neftçinin qardaşı danışdı

Date: 13 January 2016 13:41

"İki gün əvvəl Xəzər dənizinin Türkmənistan sektorunda cəsədi tapılan və dünən axşam saatlarında Bakıya gətirilən neftçinin cəsədi yaxın saatlarda doğulduğu Tovuz rayonunda dəfn ediləcək".

Bu barədə ANS PRESS-ə dənizdən meyiti tapılan neftçi Mübariz Dilqəm oğlu Qasımovun qardaşı məlumat verib. Onun sözlərinə görə, bu gün səhər saatlarında meyit Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyində müayinə edildikdən sonra bizə verildi: "Hazırda qardaşımın cəsədi rayona aparırıq. Kəndə çatmaq üzrəyik. Çatan kimi cəsəd Aşağı Mülkülü kəndində dəfn ediləcək".

Meyitin dəfn mərasimində SOCAR-ın əməkdaşları iştirak edəcək.1958-ci ildə anadan olmuş Mübariz Dilqəm oğlu Qasımovun 3 övladı var. Onlardan 2-si qız, biri oğlandır.


Yanan platforma

İki gün əvvəl Xəzər dənizinin Türkmənistan sahillərindən 55 km uzaqlıqda Azərbaycana məxsus “Cabbar Həşimov” gəmisi tərəfindən cəsəd tapılıb. Aparılan araşdırmalar nəticəsində sudan çıxarılan meyitin 1958-ci il təvəllüdlü Mübariz Dilqəm oğlu Qasımova məxsus olduğu müəyyən edilib. Cəsədin üzərində olan xüsusi geyimdə “AZ SOCAR” yazısı müəyyən edilib.

Dünən səhər saatlarında isə Mübariz Qasımovun nəşini gətirmək üçün Fövqəladə Hallar Nazirliyinin (FHN) təyyarəsi və SOCAR-la FHN-in əməkdaşları Türkmənistana gediblər.

Axşam saatlarında isə cəsəd ölkəmizə gətirilib.


Yanan platforma

Dekabrın 4-ü axşam saatlarında “Günəşli” yatağındakı 10-cu dərin dəniz özülündə güclü yanğın hadisəsi baş verib. SOCAR-dan ANS PRESS-ə verilən məlumata görə, baş verən güclü tufan saat 17.40 radələrində “Günəşli” yatağındakı 10-cu dərin dəniz özülündə qaz xəttini sıradan çıxarıb, nəticədə yanğın olub.

Rəsmi məlumata görə hadisə baş verən zaman platformada 63 nəfər olub. Onlardan 33 nəfər təxliyyə olunub. İlk gün bir nəfər ölüb. İtkin düşmüş 6 nəfərin cəsədi dekabrın 7-də tapılıb. Daha bir nəfərin meyiti (Qasımov İman Şura oğlu) isə dekabrın son günlərində tapılıb.

Bayram ərəfəsində daha iki neftçinin meyiti aşkarlanıb. Meyitlər Quliyev Əzizağa Nöhbala oğlu və Abdullayev Adil Ələkbər oğluna məxsus olub.

Bundan əlavə dekabrın 4-də saat 12.30 radələrində “Neft Daşları” NQÇİ-nin 501 nömrəli özülündə də qəza verib. Güclü tufan nəticəsində dalğalar estakada döşəməsini üstündəki yaşayış budkası ilə birlikdə uçurub dənizə atıb. Budkada 3 nəfər olub.

Tags:  Cəsədi tapılan neftçinin qardaşı danışdı

RƏYLƏR


Top news