Aktual mövzular: Dollar alış-satışı , Hava, Məzənnə, Neftin qiyməti

Azərbaycan və ABŞ bölgədəki hərbi-siyasi vəziyyəti müzakirə ediblər

Azərbaycan və ABŞ bölgədəki hərbi-siyasi vəziyyəti müzakirə ediblər

Azərbaycan-Türkiyə hərbi əməkdaşlığı müzakirə olundu (14 Mart 2017 18:08)
Azərbaycan və Türkiyə arasında hərbi əməkdaşlığın perspektivləri müzakirə olunub (14 Mart 2017 17:47)
Azərbaycan Silahlı Qüvvələrinin Hərbi Akademiyasında Pakistanın nümayəndə heyəti ilə görüş keçirilib (11 Mart 2017 15:52)

Tarix: 13 Yanvar 2016 17:38

Bakı. Trend:

Yanvarın 13-də Azərbaycanın müdafiə naziri general-polkovnik Zakir Həsənov ABŞ-ın Milli Təhlükəsizlik Şurasının Avropa üzrə baş direktoru Çarlz Kapçanla görüşüb.

Müdafiə Nazirliyinin mətbuat xidmətindən Trend-ə verilən məlumata görə, görüşdə bölgədəki hərbi-siyasi vəziyyət, Azərbaycan hərbçilərinin Əfqanıstandakı sülhməramlı missiyanın tərkibində uğurlu fəaliyyəti, hərbi təhsil, treninq və təcrübə mübadiləsi, eləcə də qarşılıqlı maraq kəsb edən sahələr üzrə məsələlər müzakirə olunub.

İkitərəfli hərbi əməkdaşlıq əlaqələrinin mövcud vəziyyətinə toxunan nazir Azərbaycanı narahat edən problemli məsələləri qonağın diqqətinə çatdırıb, Ermənistanın ölkəmizə qarşı işğalçılıq siyasətinin davam etdiyini və danışıqların rəsmi Yerevan tərəfindən qəsdən uzadılmasının regiondakı şəraitə mənfi təsir göstərməsini xüsusi vurğulayıb.

ABŞ-ın ölkəmizdəki fövqəladə və səlahiyyətli səfiri Robert Sekuta da görüşdə iştirak edib.

Bizi Twitter-dən izləyin: @trend_az


Teqlər:  Azərbaycan ABŞ bölgədəki hərbi-siyasi vəziyyəti müzakirə ediblər



RƏYLƏR


Top xəbərlər