Aktual mövzular: Dollar alış-satışı , Hava haqqında, Məzənnə, Neftin qiyməti

"Çempionat getdikcə zəifləyir" - Yunis Hüseynov

"Çempionat getdikcə zəifləyir" -   Yunis Hüseynov

Date: 13 January 2016 18:22

"Yayadək "Xəzər Lənkəran"da gənclərdən ibarət komanda olacaq. Onların qarşısına heç bir hədəf qoyulmayıb. Elitada yerimizi qorumağa çalışacağıq". Fanat.az xəbər verir ki, bu sözləri "Xəzər Lənkəran"ın baş məşqçi postindan ayrılan Yunis Hüseynov deyib.


Yunis bəy komandanın qarşısına heç bir hədəf qoyulmadığını bildirib: "Çempionat getdikcə zəifləyir. İnanmıram ki, Premyer Liqadan hər hansı komanda I diviziona düşsün. Stimulumuz var idi ki, ölkə kubokunda irəliləyərik. Düzdü, futbolda sürpriz də gözləmək olar. Amma hazırkı heyətlə yarımfinala-finaladək gedə biləcəyimizi demək düzgün olmaz. Heyətə klubun akademiyasından yetişən futbolçular cəlb olunacaq. Ona görə də Elbrus Məmmədovun baş məşqçi olmasına qərar verdik. Mən isə idman direktoru olacağam. Elbrus müəllim gəncləri daha yaxşı tanıyır".


Hüseynov bildirib ki, baş məşqçi əvəzləməsinə baxmayaraq, qış təlim-məşq toplanışı planında heç bir dəyişiklik olmayacaq: "O planı mən yazmışdım. Elbrus Məmmədov da mənim köməkçim idi. O, elə həmin plan üzrə işləyəcək".


Qeyd edək ki, "Xəzər Lənkəran" hazırda Azərbaycan Premyer Liqasında 10 komanda arasında 9-cu pillədə qərarlaşıb. 


Fanat.az


Tags:  Çempionat getdikcə zəifləyir Yunis Hüseynov

RƏYLƏR


Top news