Bakı, 13 yanvar, AZƏRTAC
“Nar” mobil operatorunun “Hədiyyə yağışı” lotereyasının qalibləri mükafatlandırılıb.
Şirkətdən AZƏRTAC-a bildirilib ki, tədbirdə iştirak edən 5 “Nar” abunəçisinə hədiyyə olaraq “iPhone 6” smartfonu təqdim edilib. Bakı sakinləri – Əkbər Camalov və Andrey Əsədulin, Ağdam şəhər sakini Rauf Şirinov, Beyləqan şəhər sakini Arif Behbudov və Goranboy sakini Ağaəli İsrafilov dəyərli hədiyyələri qazanmış şanslı “Nar” abunəçiləri olublar.
Lotereya kampaniyası martın 7-dək davam edəcək. Lotereyada iştirak etmək üçün sadəcə olaraq balansı bir dəfəyə minimum 3 manat artırmaq kifayətdir. Balansını 5 manat artırmış abunəçilər isə 15 min manat pul mükafatını qazanmaq imkanı əldə edirlər.