Aktual mövzular: Dollar alış-satışı , Hava haqqında, Məzənnə, Neftin qiyməti

TANAP-da işlər sürətləndirilib (FOTO)

TANAP-da işlər sürətləndirilib (FOTO)

Date: 13 January 2016 21:51

Azərbaycan qazının Türkiyə ərazisindən keçərək Avropaya daşınması üçün nəzərdə tutulan Trans-Anadolu-Qaz Boru xəttinin (TANAP) tamamlanması işləri böyük sürətlə davam etdirilir və indiyə qədər çəkilən 850 kilmetrlik boru xəttində işlər başa çatıb.

ANS PRESS-in Türkiyə mətbuatına istinadən verdiyi məlumatına görə, təhvil verilən 850 kilometrlik borunun 20%-nin istehsalı Çində, qalanı isə Türkiyədə həyata keçirilib.


TANAP boru xəttinin keçdiyi ərazilər

Layihə çərçivəsində Türkiyənin sərhədləri daxilində biri Əskişəhərdə və digəri Trakiyada olmaqla qazın ötürülməsi üçün şəbəkəyə qoşulmaqdan ötrü iki çıxış nöqtəsi olacaq.

Bu çıxışlardan əldə olunan 16 milyard kubmetr qazın 6 milyard kub metri Türkiyəyə, qalan 10 kubmetr isə Avropaya nəql ediləcək.

SOCAR-ın 58%, BOTAŞ-ın 30% və BP-nin 12% hissə ilə şərik olduğu layihənin təməli ötən ilin mart ayında prezident İlham Əliyev, Türkiyə prezidenti Rəcəb Tayyib Ərdoğanın iştirakı ilə Qarsın Səlimiyə rayonunda gerçəkləşdirilib.


Türkiyə Qars

Trans-Anadolu-Qaz Boru kəməri təbii qazı Türkiyənin Şərq sərhədindən Qərb sərhədinə daşıyacaq, bütün ölkədə sabit tranziti təmin edəcək. Layihə Azərbaycandan başlayan genişlənmiş Cənubi Qafqaz boru kəmərini Avropa Birliyində bir neçə kəmərlə birləşəcək. 5 il ərzində reallaşması nəzərdə tutulan layihənin dəyəri 7 mlrd. ABŞ dollarıdır. Dörd mərhələdə həyata keçiriləcək layihənin ilk mərhələsi 2018-ci ildə başa çatacaq.

Tags:  TANAP-da işlər sürətləndirilib FOTO



RƏYLƏR


Top news