Aktual mövzular: Dollar alış-satışı , Hava, Məzənnə, Neftin qiyməti

Lisenziyanın yenidən rəsmiləşdirilməsi və bərpası üçün dövlət rüsumu ödənilmir

“Dövlət rüsumu haqqında” qanuna dəyişikliklər təsdiqləndi (02 Mart 2017 19:53)
Daşınar əşyanın ipotekasının qeydiyyatı üçün dövlət rüsumunun məbləği müəyyənləşdi (02 Mart 2017 19:47)
Daşınar əşyanın ipotekasının dövlət qeydiyyatına alınması üçün tutulan dövlət rüsumunun dərəcəsi müəyyənləşib (02 Mart 2017 19:37)

Tarix: 13 Yanvar 2016 21:53


Bakı, 13 yanvar, AZƏRTAC
Lisenziyanın yenidən rəsmiləşdirilməsi və bərpası üçün dövlət rüsumu ödənilmir.
AZƏRTAC xəbər verir ki, bu müddəa “Dövlət rüsumu haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının Qanununda əksini tapıb.
Qanunda "Lisenziyalaşdırılan sahibkarlıq fəaliyyəti növlərinə lisenziya verilməsinə görə dövlət rüsumunun ödənilməsindən azadolmalar və ödənilməsinin xüsusiyyətləri" adlı maddə yeni redaksiyada verilir. Burada qeyd olunur ki, lisenziyalaşdırılan sahibkarlıq fəaliyyəti yalnız Bakı şəhərində həyata keçirildikdə, habelə eyni vaxtda həm Bakı şəhərində, həm də regionlarda həyata keçirildikdə, həmin fəaliyyət növü üzrə müvafiq icra hakimiyyəti orqanının müəyyən etdiyi dövlət rüsumu ödənilir. Lisenziyalaşdırılan sahibkarlıq fəaliyyəti yalnız regionlarda həyata keçirildikdə, həmin fəaliyyət növü üzrə müvafiq icra hakimiyyəti orqanının müəyyən etdiyi dövlət rüsumunun 50 faizi (regional televiziya və radio yayımı istisna olmaqla) ödənilir.
Lisenziyalaşdırılan sahibkarlıq fəaliyyətinin bir neçə alt növünün eyni vaxtda həyata keçirilməsi üçün müraciət edildikdə isə, həmin alt növlərdən biri üçün müvafiq icra hakimiyyəti orqanının müəyyənləşdirdiy dövlət rüsumu - həmin alt növlər üçün müəyyən edilmiş rüsumlardan ən yüksək olanı ödənilir. Lisenziyanın yenidən rəsmiləşdirilməsi və bərpası üçün dövlət rüsumu ödənilmir.

Teqlər:  Lisenziyanın yenidən rəsmiləşdirilməsi bərpası üçün dövlət rüsumu ödənilmir



RƏYLƏR


Top xəbərlər