Aktual mövzular: Dollar alış-satışı , Hava haqqında, Məzənnə, Neftin qiyməti

XİN: Almaniya ATƏT sədri kimi Dağlıq Qarabağ münaqişəsinin həllində iştirak edəcək

XİN: Almaniya ATƏT sədri kimi Dağlıq Qarabağ münaqişəsinin həllində iştirak edəcək

Date: 13 January 2016 23:12

Bakı. 13 yanvar. REPORT.AZ/ "Almaniya Avropada Təhlükəsizlik və Əməkdaşlıq Təşkilatının (ATƏT) sədri kimi Dağlıq Qarabağ və Dnestryanı münaqişələrin həllində aktiv rol oynayacaq".
"Report" TASS agentliyinə istinadən xəbər verir ki, bu fikir Almaniya xarici işlər naziri Frank-Valter Ştaynmayerin ATƏT-də sədrliyin Belqraddan Berlinə keçməsi ilə bağlı yaydığı bəyanatda əks olunub.
Nazir qeyd edib ki, Almaniyanın ATƏT-dəki sədrliyi çətin dövrə təsadüf edir.
"ATƏT-in dialoq üçün platformaya və qarşılıqlı etimada ehtiyacı var. Bundan əminəm", - deyə Almaniyanın XİN başçısı vurğulayıb.
Onun sözlərinə görə, ATƏT məkanında uzun müddətli təhlükəsizlik ancaq ölkələrin birgə səyləri ilə təmin oluna bilər.
Valter Ştaynmayer bildirib ki, onun ölkəsi ATƏT sədri kimi Cənubi Qafqazda münaqişələrin həlli üzrə fəal səylər göstərəcək. Həmçinin, ATƏT-in nümayəndəliklərinin fəaliyyətini aktifləştirəcək.
Xatırladaq ki, Almaniyanın xarici işlər naziri Frank-Valter Ştaynmayer ATƏT Nazirlər Şurasının dekabrın 3-də Belqradda keçirilən 22-ci iclasında ölkəsinin sədrliyi dönəmində prioritetləri açıqlayıb. Nazir üç əsas istiqamətdə işləmək lazım olduğunu vurğulayıb: böhranlara reaksiya vermək; katibliyin, sahə missiyalarının və təşkilatların gücləndirilməsi; təhlükəsizliyin artırılması.

Tags:  XİN Almaniya ATƏT sədri Dağlıq Qarabağ münaqişəsinin həllində iştirak edəcək


RƏYLƏR


Top news