AFFA-nın İntizam Komitəsinin iclası keçirilib. ANS PRESS-in məlumatına görə, yığıncaqda FİFA-nın assosiasiyaya göndərdiyi məktuba baxılıb.
Bu sənəddə beynəlxalq futbol təşkilatının Nizam-İntizam Komitəsinin "Bakı” klubu haqqında qərar qəbul etdiyi bildirilib. "Bakı” hollandiyalı futbolçusu Adnan Bərəkətlə arasında bağlanmış müqavilə şərtlərinə riayət etməməyi səbəbindən kluba cəza verilib.
FİFA AFFA-nın İntizam Komitəsinə paytaxt təmsilçisinin hesabından 6 xal silinməsini tapşırıb.
Adnan Bərəkət
Bunları nəzərə alan komitə Azərbaycan çempionatının I divizionunda çıxış edən "Bakı"nın cari mövsümdəki hesabından 6 xal silib.
Ötən illərin "Bakı” klubu
Qeyd edək ki, Hollandiyanın “Den Boş” klubundan transfer olunmuş Bərəkət 2009-cu ildə bakılılarla 2,5 illik rəsmi müqavilə imzalamışdı.
