Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Qusarda kişi qızlarının arxasınca danışan qonşularından qisas aldı

Qusarda kişi qızlarının arxasınca danışan qonşularından qisas aldı

Date: 14 January 2016 13:12

Qusarda qonşularının ot tayasına od vuran şəxs saxlanılıb. Saxlanılan şəxsin başqa əməlləri də istintaq zamanı üzə çıxıb.

ANS PRESS-in məlumatına görə, rayon sakini 40 yaşlı Rusif Cavadov 2015-ci il sentyabr ayının 22-dən 23-ə keçən gecə törətdiyi cinayət hadisəsinə görə bir gün əvvəl həbs olunub. O, yaşadığı Balaqusar kəndində qonşuları Zəfər İsmayılov və Fərman Nurəliyevin tövlələrini, xeyli sayda ot bağlamalarını yandırıb.

Polisin araşdırması zamanı hadisəni sərxoş halda törədən Rusif Cavadovun şübhəni özündən uzaqlaşdırmaq üçün qeyri-adi yola əl atıb.

Qusar Polis Şöbəsinin baş müstəntiqi Rəfael Tağıyevin sözlərinə görə, həmkəndlilərinin ot tayalarına od vurduqdan sonra o, izi itirmək məqsədilə öz həyətindəki olan yardımçı tikiliyə də od vurub, əmlakına ziyan vurub.


Saxlanılan şəxs Rusif Cavadov


Baş müstəntiq Rəfael Tağıyev


Təyin edilmiş məhkəmə-tikinti ekspertizasının rəyindən və istintaq bölməsində aparılan araşdırmalardan sonra həbs edilən Rusif Cavadov "qonşularınızın ot tayasını yandırmağınızdan peşmansınızmı?" sualına belə cavab verib. "Heyvanları ac qoyduğuma görə peşmanam. Ailəm, həyat yoldaşım, qızlarım barədə xoşagəlməz sözlər danışırdılar. Ona görə də bu əmələ ət atdım".

Qonşularına 3000 manat dəyərində ziyan vurmaqla yanaşı, özünün yardımçı tikilisinə də od vurmuş Rusif Cavadov barəsində cinayət işi açılıb.


Tags:  qusarda ot tayasina od vuran

RƏYLƏR


Top news