Aktual mövzular: Dollar alış-satışı , Hava, Məzənnə, Neftin qiyməti

Təhsil Nazirliyi: Sumqayıtda şagirdi döyərək onun ləyaqətini alçaldan müəllim vəzifəsindən azad edilib

Təhsil Nazirliyi: Sumqayıtda şagirdi döyərək onun ləyaqətini alçaldan müəllim vəzifəsindən azad edilib

1000-dən çox müəllimin təhsil sənədi saxta çıxdı (16 Mart 2017 12:23)
1000-dən çox müəllimin təhsil sənədinin saxta olduğu aşkarlanıb - AZƏRBAYCANDA (16 Mart 2017 11:59)
Azərbaycanda müəllim özünü məktəbin həyətində öldürdü (15 Mart 2017 18:59)

Tarix: 14 Yanvar 2016 12:57

Nazirlik adekvat münasibətə görə ictimaiyyətə təşəkkür edib
Bakı. 14 yanvar. REPORT.AZ/ “Sumqayıt şəhər 22 saylı tam orta məktəbin 8-ci sinfində baş vermiş hadisə ilə əlaqədar bildiririk ki, məktəbin tarix müəllimi İdris Hüseynov “Təhsil haqqında” Azərbaycan Respublikası qanununun və “Müəllimlərin etik davranış qaydaları”nın tələblərini kobud şəkildə pozaraq şagirdə qarşı fiziki güc tətbiq edib, onun şərəf və ləyaqətini alçaldan hərəkətə yol verib. Bu səbəbdən Əmək Məcəlləsinin 70-ci maddəsinin “ç” bəndinə əsasən İdris Hüseynov Sumqayıt şəhər 22 nömrəli tam orta məktəbin müəllimi vəzifəsindən azad edilib”.
Bu barədə “Report”un sorğusuna cavab olaraq Təhsil Nazirliyinin mətbuat xidmətindən bildirilib.
“Bununla bağlı Təhsil Nazirliyinin Daxili nəzarət şöbəsi hazırda xidməti araşdırma aparır.
Təhsil Nazirliyi bu məsələ adekvat münasibətə görə ictimaiyyətə təşəkkürünü bildirir, ictimai nəzarətin vacibliyini bir daha vurğulayır. Hadisə tam araşdırıldıqdan sonra hüquqi qiymət verilməsi üçün hüquq-mühafizə orqanlarına göndəriləcək.
Təhsil Nazirliyi bundan sonra da təhsil müəssisələrində şəffaflığıın təmin edilməsi, təhsilalanların hüquqlarının müdafiəsi və təhsil ocaqlarının hüquqi məkana çevrilməsi, müəllim-şagird münasibətlərinin qarşılıqlı əməkdaşlıq şəraitində qurulması istiqamətində səylərini davam etdirəcək”.


Teqlər:  Təhsil Nazirliyi Sumqayıtda şagirdi döyərək onun ləyaqətini alçaldan müəllim vəzifəsindən azad edilib



RƏYLƏR


Top xəbərlər