Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Cəbrayılın icra başçısı danışdı: "Öz qohumlarıma demişəm ki, “axmaq, köpəkoğlu, burda nə axtarırsan?”

Cəbrayılın icra başçısı danışdı:  "Öz qohumlarıma demişəm ki, “axmaq, köpəkoğlu, burda nə axtarırsan?”

Date: 14 January 2016 13:24

"Orda heç camaat da yığışmamışdı, öz qohumlarımdı, ərk edib demişəm"

Cəbrayıl rayon İcra Hakimiyyətinin başçısı Mahmud Quliyev sosial şəbəkədə yayılmış videosundan danışıb.

İcra başçısı Lent.az-a açıqlamasında həmin videoda görüntülənən şəxsin özü olduğunu deyib: "Mən ora getmişdim, amma bilmirəm ki, orda kim qışqırır, kim-kimi söyür. Orda elə bir söyüş də olmayıb. Bir dənə “köpəkoğlu” sözü deyilib, vəssəlam. Öz qohumlarıma demişəm ki, “axmaq, köpəkoğlu, burda nə axtarırsan?” Orda heç camaat da yığışmamışdı. Öz qohumlarımdı, ərk edib demişəm. İçib piyan olub, kafedən çıxıb yığışmışdılar.  Mən dünən səhərdən bu işlə məşğulam, Cəbrayıl sakinlərindən də soruşmuşam, hamısı deyir ki, onlar bizim öz uşaqlarımızdı. Heç bir təhqir  olmayıb”.

Mahmud Quliyev əlavə edib ki, rayonda qiymətlərin süni artımının qarşısının alınması istiqamətində tədbirlər görülür: “Dünən sahibkarlarla da profilaktik söhbət etmişik, süni qiymət artımına yol verməmələri tövsiyyə olunub. Dollarla gələn malın əlbəttə qiyməti qalxmalıdır. Kənd camaatının sahəsi var, malı var. Əkinlə-biçinlə məşğul olsunlar. Göy, soğan, kartof əksinlər. Mağazadan nə lazımdı ki? Bir dənə çay-qənddi də".


Tags:  mahmud quliyev mahmud quliyev cebrayil cebrayil rayon icra hakimiyyetinin bascisi


RƏYLƏR


Top news