Terrorçular bizə qalib gələ bilməyəcək.
Report "France Press"ə istinadən xəbər verir ki, bunu İndoneziya prezidenti Coko Vidodo yanvarın 14-də ölkə paytaxtı Cakartada törədilən terror aktlarına münasibət bildirərkən deyib.
Dövlət başçısı əhalini sakitliyə çağırıb: "Millətimiz və xalqımız qorxmamalıdır. Ümid edirəm ki, ictimaiyyət soyuqanlığını qoruyacaq. Hadisə nəticəsində həyatını itirənlərin olmasına təəssüf edirik".
Məlumata görə, Cakartada törədilən partlayışlarda terrorçular qumbaradan istifadə ediblər. Şəhərin 6 müxtəlif hissəsində, o cümlədən daha nüfuzlu mehmanxanaların, səfirliklərin və ofis binalarının yerləşdiyi ərazidə partlayış törədilib.
Terroru 10-14 silahlı və terrorçu-kamikadzenin törətdiyi bildirilib.
Terror aktları nəticəsində biri polis zabiti olmaqla 6 nəfər həlak olub.
Milli.Az