Aktual mövzular: Dollar alış-satışı , Hava haqqında, Məzənnə, Neftin qiyməti

Putin Di Kaprionu "əsl kişi" adlandırdı

Putin Di Kaprionu "əsl kişi" adlandırdı

Date: 14 January 2016 16:57

Dünyaca məşhur amerikalı aktyor Leonardo Di Kaprio 2010-cu ildə Rusiyaya gedərkən təyyarədə başına gələn əhvalatı danışıb.

Milli.Az Axar.az-a istinadən bildirir ki, Ellen Deceneresin proqramına qatılan Di Kaprio qəza zamanı rusların olduqca soyuqqanlı davrandığını deyib:
 
"Havada olanda təyyarənin mühərrikində yanğın baş verdi. Pəncərədən alovu görəndə çox həyəcanlandım. Rusiyalı sərnişinlər isə həddindən artıq soyuqqanlı idilər. Elə bildim, ölmüşəm, özü də cənnətə düşmüşəm. Hər kəs səssiz idi. Mən isə var gücümlə qışqırdım: nə baş verir?"
 
Xatırladaq ki, Di Kaprio 2010-cu ildə Sankt-Peterburqda təşkil olunan sammitə gedərkən təyyarədə nasazlıq yaranıb. Nyu-Yorka təcili eniş etmək məcburiyyətində qalan 41 yaşlı aktyorun xüsusi bir təyyarə ilə sammitə gəlməsi o zaman baş nazir olan Vladimir Putinin diqqətindən yayınmayıb.
 
Di Kaprio ilə görüşən Putin aktyorun "inadcıl" olduğunu etiraf edərək onu tərifləyib:
 
"Dünyanın bu sevimli və məşhur amerikalı aktyoru yalnız xeyriyyəçiliyi ilə tanınmır. Hərçənd bu da çox əhəmiyyətlidir. Amma iş yalnız bununla bitmir. Sanki döyüş cəbhəsini yararaq Sankt-Peterburqa gəldi. Bizdə belə adamlara "əsl kişi" deyirlər".

Milli.Az


Tags:  Putin Di Kaprionu kişi adlandırdı



RƏYLƏR


Top news