Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Ddiaqnostik qiymətləndirmədən keçən müəllimlərin əmək haqları 30-40 faiz artırılacaq

Ddiaqnostik qiymətləndirmədən keçən müəllimlərin əmək haqları 30-40 faiz artırılacaq

Date: 14 January 2016 17:28

Bakı. İlhamə İsabalayeva - Trend:

Azərbaycanda diaqnostik qiymətləndirmədən keçən müəllimlərin əmək haqları 30-40 faiz artırılacaq.

Təhsil Nazirliyindən Trend-ə verilən məlumata görə, ölkənin 12 bölgəsi üzrə keçirilən diaqnostik qiymətləndirməyə dəvət olunmuş 25 989 nəfərdən 25 693-ü (98,86 faiz) imtahanda iştirak edib. Onların təxminən 1 faizi müvafiq keçid balını toplaya bilmədikləri üçün qiymətləndrimədən keçməyib. Əmək haqqı artımı diaqnostik qiymətləndirmədən keçən 25 431 müəllimə (qiymətləndirmədə iştirak edən müəllimlərin 99 faizi) şamil ediləcək.

Əmək haqqı artımının məbləği müəllimin dərs yükündən, pedaqoji fəaliyyət üzrə stajından, ali və ya orta ixtisas təhsilli olmasından, sinif rəhbəri və fəxri adının olub-olmamasından və digər bir neçə meyardan asılıdır. Bu meyarlara uyğun olaraq, əməkhaqları 30-40 faiz artırılacaq.

Müxtəlif səbəblərə görə qiymətləndirmədə iştirak edə bilməyən və işə yeni qəbul olunan müəllimlərin diaqnostik qiymətləndirilməsi 2016-cı il ərzində keçiriləcəkdir. Növbəti mərhələdə isə respublikanın bütün şəhər və rayonlarında müəllimlərin bilik və bacarıqlarının diaqnostik qiymətləndirilməsi aparılacaqdır.

Bizi Twitter-dən izləyin: @trend_az


Tags:  Ddiaqnostik qiymətləndirmədən keçən müəllimlərin əmək haqları 30-40 faiz artırılacaq

RƏYLƏR


Top news