Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

"O adamın başı boşdur ki..." - xalq artisti Röya-Məlahət davası haqda

"O adamın başı boşdur ki..." - xalq artisti Röya-Məlahət davası haqda

Date: 14 January 2016 19:36

Xalq artisti, tanınmış rejissor Ağakişi Kazımov qəzəblənib. Sənətkar son vaxtlar sənət adamlarının dedi-qodu etməsi və bir-birinin ünvanına nalayiq fikirlər səsləndirməsini pisləyib.

Axşam.az-ın publika.az-a istinadən məlumatına görə, əməkdar artist Röya Ayxanın Türkiyədə yaşayıb, fəaliyyət göstərən tanınmış aktrisa Məlahət Abbasova haqqında söylədiyi təhqiramiz ifadələr isə onu lap hiddətləndirib.
 
Xalq artisti Röyanın aktrisa haqqında səsləndirdiyi fikirləri "məsuliyyətsizlik" adlandırıb:
 
"Məlahət Abbasova çox istedadlı aktrisadır. Onun sənət fəaliyyətini yüksək qiymətləndirirəm. İstər Azərbaycanda olduğu müddətdə, istərsə də Türkiyədə yaşadığı dönəmlərdə istedadı ilə diqqət çəkib, sevilib. Eyni zamanda, gözəl anadır, ailəsində sevilir. Bir dəfə televiziya proqramlarının birində qaynanası və həyat yoldaşının onun barəsində söylədiyi xoş sözləri eşitdim, bir azərbaycanlı qızı kimi ailədə qazandığı uğurlarına sevindim. Məlahətin sənət fəaliyyəti Azərbaycanda da yetərincə qiymətləndirilib. İki mahnı oxumaqla Məlahətin istedadını danmaq ağılsızlıqdır. Mən buna məsuliyyətsizlik deyərdim. O adamın başı boşdur ki, Məlahəti istedadsız aktrisa sayır. Bununla çox böyük səhvə yol verir. Məsləhət görərdim ki, sənət adamları başını aşağı salıb yaradıcılıq işləri ilə məşğul olsunlar. Onda belə dedi-qoduya da vaxt qalmaz".

Xatırladaq ki, Röya tanınmış aktrisa ilə bağlı təhqiramiz ifadələr söyləyib:
 
"50 ildir gedib Türkiyədə oturan biri olaraq hələ heç bir iş görməyib, "İnstagram"da haqqımda nələrsə yazıb. Əlində süpürgə tutmaqdan başqa heç nə görmədim. Sən özün kimsən, sənə nə hörmət qoydular ki, mənim adımı çəkirsən? Get süpürgəni al əlinə, yağış yağanda pəncərəni silərsən. Yaşca məndən böyükdür, ağıllı olsun. Türkiyədə tapmayım onu. Cavabını verməliydim, qarabağlıyam, yoxsa ürəyim partlayardı".

Tags:  adamın başı boşdur xalq artisti Röya-Məlahət davası haqda

RƏYLƏR


Top news