Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Mətbuat Şurasında bir qrup internet informasiya resursu təmsilçisi ilə görüş keçirilib

Mətbuat Şurasında bir qrup internet informasiya resursu təmsilçisi ilə görüş keçirilib

Date: 14 January 2016 19:38


Bakı, 14 yanvar, AZƏRTAC
Yanvarın 14-də Azərbaycan Mətbuat Şurasında bir qrup internet informasiya resursu təmsilçisi ilə görüş keçirilib.
“Azpolitika.info”, “Arqument.az”, “Mia.az”, “Reaksiya.az” və başqa saytların nümayəndələrinin iştirak etdikləri görüş zamanı həmin media orqanlarının, habelə digər informasiya resurslarının son zamanlar yaydıqları materiallar müzakirə edilib.
Mətbuat Şurasının apardığı monitorinq zamanı sözügedən materiallarda müxtəlif bölgələrdə ayrı-ayrı şəxslər tərəfindən təşkil olunmuş aksiyaların xalq etirazları kimi göstərildiyi müəyyənləşdirilib. Belə ki, həmin materiallar dəqiqləşdirilmədən təqdim edilib, əsasən facebook sosial şəbəkəsindəki saxta profillərdə paylaşılanlar mənbə olaraq seçilib. Materiallarda, həmçinin ayrı-ayrı vəzifəli şəxslər cinayət əməllərində ittiham olunub, yeni aksiyaların vaxtı anons edilib, bir çox hallarda təhrikedici mövqe ortaya qoyulub.
Görüş iştirakçıları bu kimi məsələlər barədə ətraflı məlumatdırılıb. Bildirilib ki, hər bir kütləvi informasiya vasitəsi ictimai əhəmiyyət daşıyan məsələlər barədə məlumat yaymaqda sərbəstdir. Bu hüquq Azərbaycan qanunvericiliyi ilə təsbit edilib, “Azərbaycan Jurnalistlərinin Peşə Davranışı Qaydaları”nda da əksini tapıb. Heç bir halda KİV-lərin azad fəaliyyəti məhdudlaşdırıla bilməz. Bununla belə, media cəmiyyət üçün mühüm əhəmiyyət daşıyan məsələlərə yanaşmada həssas olmalı, hadisə və proseslərə münasibətdə obyektivliyi gözləməlidir. Xalq və dövlət üçün müstəsna əhəmiyyət daşıyan məqamlarda reytinq, oxucu kütləsi cəlb etmək naminə sui-istifadə yolverilməzdir.
Görüşdə Mətbuat Şurasının mövcud istiqamətdə tövsiyələri sözügedən internet sayt təmsilçilərinin diqqətinə çatdırılıb, həmçinin bu mövzuda müzakirələr aparılaraq qarşılıqlı maraq doğuran məqamlara aydınlıq gətirilib.

Tags:  Mətbuat Şurasında qrup internet informasiya resursu təmsilçisi görüş keçirilib



RƏYLƏR


Top news